海兒骨子裡超瘋狂 曾偷護照離家出走 遭父母恐怖反應嚇窒：至少畀我知，死喺邊都搵到條屍
發佈時間：11:00 2026-10-30 HKT
因擔任《中年好聲音 3》評判而人氣急升、憑藉精緻五官與魔鬼身材被網民封為「音樂女神」的海兒（Hillary），日前作客新城知訊台節目《放飯 ICU》大方拋開「優雅女神」的包袱，原來外表嬌滴滴、說話溫柔動聽的海兒在17歲時曾因渴望自由，做出瞞住父母「偷護照私逃台灣」的叛逆驚人舉動！
海兒更首度公開一段極為消沉的往事
海兒更首度公開一段極為消沉的往事，在早期一次大型流行音樂演出中，她因缺乏使用舞台 Monitor（監聽喇叭）的經驗，上台後完全聽不到自己的聲音，只能縮在台上硬著頭皮唱完。一落台，平日嬌滴滴的她頓時崩潰大哭，甚至對工作人員放狠話：「我以後都唔唱流行曲了，我要留喺歐洲唱 Opera 算！」幸而經過兩三年的磨練，她如今已重拾信心。
相關閱讀：海兒摵甩《中年》刻板評審味 新形象活現「韓團」青春性感 低胸俯身春光無限
海兒私底下其實極度貪玩和叛逆
平日看似溫婉乖巧、弱不禁風的海兒，私底下其實極度貪玩和叛逆。在節目上她透露從小家教極嚴，甚至連家裡門匙都沒有，不過到了16、17歲的叛逆期，曾因極度渴望自由，竟然瞞著父母偷偷從媽媽夾萬偷走護照，騙家人要跟同學去野外露營，私下卻直接飛去台灣旅遊玩樂：「去到最後嗰日畀佢哋發現咗，因為我唔見咗銀包，入面有一張片咭片，佢哋打咗畀我爸爸，返嚟鬧咗我一輪就冇出聲，我覺得仲恐怖，寧願佢哋打我。」最後他們表示：「算喇，知道你好鍾意玩，以後你想去玩就畀你去玩，但你至少畀我知，至少你死咗喺邊我都搵到條屍。」
海兒非常感激同門師兄張敬軒的提攜
提到入行經歷，海兒非常感激同門師兄張敬軒的提攜。她透露張敬軒曾借出私人工作室供她練舞練歌並親自為她調試音響設備，海兒稱當時張敬軒送她一句金句：「無論發展成點，做完嘢返到屋企，你永遠都只是一個普通香港市民，唔好當自己係星。」擁有一顆「強大心臟」的海兒笑言很貪玩：「我乜嘢都想試，好鍾意做唔同嘅嘢，我好想拍旅遊節目，類似紀錄片性質嘅極地探險類旅遊節目。」海兒更直言連蟲都可以吃：「我接受呀，畀得人食梗係冇問題，我只要唔係超辣，乜都可以擺入口，或者係唔人道。就算拍戲要kiss，只要劇情有意義都可以，我都可以玩得好投入，我而家係一隻甩繩馬騮。」
相關閱讀：海兒13歲少女照曝光 外貌早熟五官標緻打破整容傳聞 一原因將參與「治療課程」
海兒不覺得娛樂圈複雜
海兒從10歲開始第一次接觸古典聲樂，2024年加入英皇娛樂成為樂壇新人，同年為《中年好聲音3》，回望從古典聲樂走到娛樂圈，海兒說：「以前有啲人就會話好複雜，但係我一啲都唔覺得，我反而覺得有人的地方就會有複雜嘅嘢，而家個圈子我會覺得同以前嗰個年代比，可能就會簡單好多，我識嘅大部分喺呢個圈子嘅人，特別係年輕嘅，好多都係真係好鍾意做呢樣嘢。」她更笑言：「我媽咪一開始都有啲擔心，但係佢而家已經冇再理我喇，佢覺得我 handle 到。因為我都會同佢分享，譬如啲 challenges 呀，即係一啲挑戰嘅位，跟住我點樣應付，通常我都要完咗一個 challenge 先同佢講嘅，費事佢擔心嘛。」
