陳蕾新歌邀Pandora作曲 主動要求寫感情世界 張蔓姿做導演上山下海親親大自然
發佈時間：17:15 2026-10-29 HKT
陳蕾展開全新音樂企劃，放手將創作交託給一眾極度欣賞的音樂好友。繼首波主打《人類愛情學》後，近日推出第二首全新作品《翻風》，由樂隊 Pandora作曲及編曲、鍾說填詞、Pandora 與舒文共同監製。MV繼續找來老友張蔓姿（Gigi）操刀執導，歌曲靈感源自陳蕾與鍾說的一個浪漫共識，描繪一位「分了手，卻極度瀟灑」的人，享受單身自由與世界美好的爽快感覺。
陳蕾欣賞Pandora風格
談及與Pandora的合作，陳蕾透露這首歌正是讓整個全新企劃得以正式啟動的最大推動力。其實早在兩年前陳蕾已有意邀請Pandora寫歌，期間雖收過不同Demo，但一直未合心意，直至今年初收到主音Tony傳來的Demo，陳蕾一聽便立刻愛上：「一聽就覺得好有懷舊City Pop嘅感覺，而且個Melody好上腦、好容易記！我唔想等咁耐，即刻同佢哋講我要呢隻歌，亦會盡快做。今年之所以正式落實開啟呢個企劃，正正就係因為《翻風》呢首Demo帶動！」陳蕾坦言一直很欣賞Pandora的風格，能在輕快玩味中保留流行曲的耐聽感，令人百聽不厭。
陳蕾找來鍾說填詞
今次填詞找來鍾說操刀，是兩人繼電影《看我今天怎麼說》主題曲《What If》後第二度合作，陳蕾笑言邀請鍾說亦是 Tony@Pandora的主意：「一首咁輕快放鬆嘅歌，配合鍾說好 signature 嘅廣東話口語詞，例如『囉囉攣』、『乾噌噌』，令成首歌嘅感覺變得更加輕盈親切！」陳蕾更主動向鍾說提出想嘗試描寫感情世界：「我平時好少喺自己作品描繪感情，所以同鍾說講不如寫少少情歌嘅感覺畀我。我聽完 Demo 腦海浮現嘅畫面，係好似一個人好輕盈、好自在咁喺海邊吹住海風，出到嚟嘅成果就係講一個分咗手嘅人，依然好瀟灑咁繼續行自己嘅人生。」
陳蕾偏愛綠色山林
MV方面則再次找來好友Gigi執導，出於對Gigi畫面美感與調色功力百分百的信任，陳蕾笑言自己全程「放手」任由對方構思。熱愛大自然的陳蕾平時偏愛綠色山林，今次MV不僅安排她在大草地上奔跑放風箏，更特意安排出海拍攝，陳蕾說：「我平時好鍾意望海，但好少出海活動，因為覺得出海有少少麻煩。好開心今次MV可以滿足晒我嘅願望，又有草地又有海，上山下海咁親親大自然一日！」
