何爵天嫌《你的保安 李寶安》首播收視未夠高 同謝君豪密斟誘影帝加盟
更新時間：11:45 2026-10-28 HKT
發佈時間：11:45 2026-10-28 HKT
發佈時間：11:45 2026-10-28 HKT
字體大小
HOY首部處境劇《你的保安 李寶安》導演何爵天，昨晚（27日）出席電影《善男信女》慈善首映禮，對於劇集首播最高收視有9.4點，他坦言想再升，同時認為收視能一直維持才是最緊要，「第一日9.4冇用嘅，希望Keep住越嚟越好，唔自滿！」提到看到他與影帝謝君豪雞啄唔斷，問是否找對方客串？他直言好想，「越多集數越加碼，我就可以搵好多唔同演員嚟參與，（HOY有冇表示？會慶功？）慶功想嘅，但而家一日啫，Keep住好收視先慶功，我仲未拍完。」有信心打贏TVB《愛·回家之三代同糖》？他笑説：「冇話打唔打贏，最緊要多人睇，多廣告客戶，咁就多啲Budget去拍多啲集數，我荷包豐滿呢個最緊要！」
何爵天呻《你的保安 李寶安》資源不足
對於HOY一次過將4集《你的保安 李寶安》放上網任睇，他指自己無給任何策略上的意見，認為每個電視台都會有自己做法。他補充，有留意網上評論，無論好、壞都接受，這是學習機會，指自己和翁子光等，甚至HOY也是第一次拍處境劇。問最深刻評論是？他說：「始終我哋資源緊絀，可能觀眾會感覺打燈、調色會爭少少，資源再豐富啲再做得好啲、多啲場景；拍嘅時間多啲，可以再執得仔細啲。」
