江美儀還原「假義工」真相：我只係主持公開當日通告反駁4大指控斥遭名譽謀殺

更新時間：18:00 2026-10-26 HKT
發佈時間：18:00 2026-10-26 HKT

江美儀2年前拍攝 TVB 綜藝節目《一個好人》，落區協助基層滅蟲。豈料近日滅蟲組織負責人陳家駱（阿臣）連日發長文，炮轟江美儀與攝製隊「做騷」。一直保持沉默的江美儀，因不忍身邊拍檔與親友被無辜牽連，決定接受網台《Chong San 沖先生》專訪，她當場展示當日的拍攝時間表，逐一反駁四大指控，更以「名譽謀殺」痛訴近期的網絡欺凌。

江美儀澄清是主持不是義工

江美儀強調，起初本想秉持「謠言止於智者」的態度，但眼見風波蔓延至幕後人員及身邊朋友，決定挺身而出：「如果我唔出聲，好似對呢班朋友或者工作人員唔公平。」她公開當日的拍攝時間表，針對四大爭議點作出反擊。首先她澄清「遲到」爭議，對於被指遲到及僅開工兩三小時，江美儀對照時間表解釋，早上是攝製隊單獨拜訪時間，而她本人的通告是下午2點開始：「所以唔存在『成個上晝等我都唔出現，其實唔係，我根本上冇需要喺上午出現。』」

江美儀：我只係介紹義工朋友

針對阿臣指控她只完成了 2% 工作、其餘重災區清潔全留給他一人，江美儀重申自己只是「節目主持」：「我只係接到一個job，去做《一個好人》嘅主持人，呢個主持人嘅工作係做咩㗎呢？就去介紹香港有一班義工朋友，好無私為貧苦大眾或者低收入人士家庭提供義務服務。我喺呢個節目裏面，我唔係去參與任何嘅義工服務，我唔係去做義工，我係做一個主持人去介紹呢一班嘅義工朋友。所以我嗰日拍攝要做嘅嘢就係去到嗰個屋主嗰度，去體驗一下，你話你係滅蟲嘅，究竟你係點樣滅㗎？我去體驗一下，通常有部蒸機，高溫令佢冇得生存就唔會繁殖⋯⋯」。

江美儀解釋保護衣去向

對於阿臣追問6件保護衣下落，江美儀坦言對道具安排並不知情：「絕對唔係我江美儀要求佢攞嚟啦，一定係製作單位嗰邊同佢安排，可能個保護衣係畀我，如果真係驚嘅時候可能要着住，我當時都係冇着，都係着返自己啲衫去做嘅。至於保護衣嘅去向我真係唔知道，我真係唔知道後來係邊個出錢，邊個攞咗我真係唔知。」

江美儀否認拍兩個鏡頭就走

被斥責「做騷」，江美儀反問當初的協議性質，表示自己只是聽從現場導演指示：「其實間屋係咪完全需要清潔乾淨呢？我相信呢個係佢同屋主兩個之間嘅一個協議，我冇收到通知我哋電視台呢邊，要留低去負責做晒所有嘅滅蟲工作，我亦都冇收到導演嘅指示，『嗱，你今次過嚟係需要同對方一齊去清潔間屋，清潔完為止你先可以走。』我係冇收到嘅，至於係咪真係需要清潔晒，我諗呢個我唔會知道，我諗呢個係佢同屋主之間嘅一個deal，所以我唔認為我只係做show、拍兩個鏡頭就走嘅呢啲指控。」

江美儀直斥被名譽謀殺

被問到為何不早向大眾媒體澄清，江美儀無奈坦言，現今媒體環境「流量至上」，令她一度感到澄清無門。面對連日來的口誅筆伐，她直言這已非單純的網絡欺凌：「我覺得佢直程殺咗我，冇人care件事係點樣，只係信一面講，每日打開媒體，不斷有人鬧你，而鬧嗰樣嘢，你知道嗰樣嘢係你哋唔明喎，你哋唔知道件事，我覺得呢個係一個欺凌。」最後，她表示這次發聲並非要求不喜歡她的人改觀，純粹想還原真相，為身邊人討回公道：「你可以繼續話呢班人多事，可以繼續話我係假善心嘅人，但係我覺得我需要為自己講返少少嘢。」