江美仪还原「假义工」真相：我只系主持公开当日通告反驳4大指控斥遭名誉谋杀

更新时间：18:00 2026-10-26 HKT
发布时间：18:00 2026-10-26 HKT

江美仪2年前拍摄 TVB 综艺节目《一个好人》，落区协助基层灭虫。岂料近日灭虫组织负责人陈家骆（阿臣）连日发长文，炮轰江美仪与摄制队「做骚」。一直保持沉默的江美仪，因不忍身边拍档与亲友被无辜牵连，决定接受网台《Chong San 冲先生》专访，她当场展示当日的拍摄时间表，逐一反驳四大指控，更以「名誉谋杀」痛诉近期的网络欺凌。

江美仪澄清是主持不是义工

江美仪强调，起初本想秉持「谣言止于智者」的态度，但眼见风波蔓延至幕后人员及身边朋友，决定挺身而出：「如果我唔出声，好似对呢班朋友或者工作人员唔公平。」她公开当日的拍摄时间表，针对四大争议点作出反击。首先她澄清「迟到」争议，对于被指迟到及仅开工两三小时，江美仪对照时间表解释，早上是摄制队单独拜访时间，而她本人的通告是下午2点开始：「所以唔存在『成个上昼等我都唔出现，其实唔系，我根本上冇需要喺上午出现。』」

江美仪：我只系介绍义工朋友

针对阿臣指控她只完成了 2% 工作、其余重灾区清洁全留给他一人，江美仪重申自己只是「节目主持」：「我只系接到一个job，去做《一个好人》嘅主持人，呢个主持人嘅工作系做咩㗎呢？就去介绍香港有一班义工朋友，好无私为贫苦大众或者低收入人士家庭提供义务服务。我喺呢个节目里面，我唔系去参与任何嘅义工服务，我唔系去做义工，我系做一个主持人去介绍呢一班嘅义工朋友。所以我𠮶日拍摄要做嘅嘢就系去到𠮶个屋主𠮶度，去体验一下，你话你系灭虫嘅，究竟你系点样灭㗎？我去体验一下，通常有部蒸机，高温令佢冇得生存就唔会繁殖⋯⋯」。

江美仪解释保护衣去向

对于阿臣追问6件保护衣下落，江美仪坦言对道具安排并不知情：「绝对唔系我江美仪要求佢攞嚟啦，一定系制作单位𠮶边同佢安排，可能个保护衣系畀我，如果真系惊嘅时候可能要着住，我当时都系冇着，都系着返自己啲衫去做嘅。至于保护衣嘅去向我真系唔知道，我真系唔知道后来系边个出钱，边个攞咗我真系唔知。」

江美仪否认拍两个镜头就走

被斥责「做骚」，江美仪反问当初的协议性质，表示自己只是听从现场导演指示：「其实间屋系咪完全需要清洁干净呢？我相信呢个系佢同屋主两个之间嘅一个协议，我冇收到通知我哋电视台呢边，要留低去负责做晒所有嘅灭虫工作，我亦都冇收到导演嘅指示，『嗱，你今次过嚟系需要同对方一齐去清洁间屋，清洁完为止你先可以走。』我系冇收到嘅，至于系咪真系需要清洁晒，我谂呢个我唔会知道，我谂呢个系佢同屋主之间嘅一个deal，所以我唔认为我只系做show、拍两个镜头就走嘅呢啲指控。」

江美仪直斥被名誉谋杀

被问到为何不早向大众媒体澄清，江美仪无奈坦言，现今媒体环境「流量至上」，令她一度感到澄清无门。面对连日来的口诛笔伐，她直言这已非单纯的网络欺凌：「我觉得佢直程杀咗我，冇人care件事系点样，只系信一面讲，每日打开媒体，不断有人闹你，而闹𠮶样嘢，你知道𠮶样嘢系你哋唔明㖞，你哋唔知道件事，我觉得呢个系一个欺凌。」最后，她表示这次发声并非要求不喜欢她的人改观，纯粹想还原真相，为身边人讨回公道：「你可以继续话呢班人多事，可以继续话我系假善心嘅人，但系我觉得我需要为自己讲返少少嘢。」