林愷鈴自爆不敢與媽媽龔慈恩看激咀場口 大讚魏浚笙經理人女友專業 陳漢娜回顧與Anson Lo拍吻戲讚神徒有禮貌
發佈時間：22:15 2026-10-24 HKT
韓星金裕貞及朴炯植、林愷鈴、陳漢娜、朱鑑然、鄧愛嘉、林恬兒、梁安琪等出席電影首映禮。早前《地獄大狀》中，林愷鈴與Jeffrey魏浚笙激咀惹討論，有粉絲更形容魏浚笙「不檢點」，其後他在網上澄清當日身兼經理人的女朋友Evelyn也在場。林愷鈴接受訪問，表示平時睇劇，會和媽媽龔慈恩一齊睇一齊討論劇情，表示媽媽也會對她的演技提出意見，令她進步。她坦言，兩母女一齊睇劇時，就好似兩個拍檔坐在一起分析劇情，也表示相當期待與媽媽一同演出。
林愷鈴稱Evelyn在場俾貼士
講到早前與Jeffrey魏浚笙激咀的劇情一事，她靦腆的表示沒有與媽媽一齊睇，說：「好似細個同屋企人睇到情慾戲咁，worse 100倍。」拍激吻戲份時魏浚笙的女朋友Evelyn也在場，又會否覺得尷尬？她回答說不會：「我覺得如果尷尬，就真係完全低估咗Evelyn嘅專業程度，因為佢係真係一個非常之叻、好專業嘅一個經理人嚟。佢在場反而又畀返貼士我哋。」
林愷鈴拍攝時只注重鏡頭
如果有粉絲問，與魏浚笙接吻感受是怎樣，她回答，相比起「體感」，她更注重如何遷就鏡頭拍攝：「要睇住個cam去咗邊，個心諗住個cam多過體感。」她也大讚Evelyn專業，說：「我覺得要幫Evelyn講返句說話。大家真係唔好低估佢嘅專業，佢除咗係Jeffrey女朋友之外，仲係一個專業經理人。如果大家仲以用佢係女朋友角度睇，完全忽視咗佢係一個好叻嘅女仔。Jeffrey咁成功，背後一定係因為Evelyn都非常之專業，同埋真係知道點樣管理藝人。」
陳漢娜自爆曾為電影瘋狂減磅
陳漢娜接受訪問，她表示沒有幻想過自己會行騷，笑言：「身材好啲就好啲。」有記者問想不想行騷，例如Victoria Secret，她也回答：「要好有恆心。」講起身材管理，她表示自己為電影曾瘋狂減磅：「瘦到自己都覺得瘦，見到胸骨。」不過，她也直言，相比起減磅更怕要增肥。
陳漢娜澄清校園欺凌傳聞唔係事實
近日林愷鈴激咀魏浚笙成為話題，她表示有留意，坦言覺得是「劇情需要」。當年她曾與Anson Lo拍接吻戲，問及她當年有沒有被網民大肆批評？她回答：「好似冇，因為都唔係咀得好狼。（有沒有被網民攻擊？）好彩都冇，因為Anson Lo啲粉絲好好，拍緊嗰時會話『加油呀、辛苦晒』。」問到她被捲入兩單校園欺凌事件，她回答：「首先唔係事實，講返以前啲嘢出嚟，我自己覺得已經唔係咁，所以之前都回應咗。」又講起早前袁澧林metoo事件，她坦言未曾遇過，也說：「都係雙方尊重。其實都係一個工作，點解要咁？講咁多呢啲唔關事嘅嘢。首先我好少同人講嘢，所以應該冇乜機會有人對我咁做，如果有人講啲咁嘅嘢，我會覺得好odd。（唔舒服？）都會唔舒服，演員嚟做訪問講啲咁嘅嘢。」
