林恺铃自爆不敢与妈妈龚慈恩看激咀场口 大赞魏浚笙经理人女友专业 陈汉娜回顾与Anson Lo拍吻戏赞神徒有礼貌
发布时间：22:15 2026-10-24 HKT
韩星金裕贞及朴炯植、林恺铃、陈汉娜、朱鉴然、邓爱嘉、林恬儿、梁安琪等出席电影首映礼。早前《地狱大状》中，林恺铃与Jeffrey魏浚笙激咀惹讨论，有粉丝更形容魏浚笙「不检点」，其后他在网上澄清当日身兼经理人的女朋友Evelyn也在场。林恺铃接受访问，表示平时睇剧，会和妈妈龚慈恩一齐睇一齐讨论剧情，表示妈妈也会对她的演技提出意见，令她进步。她坦言，两母女一齐睇剧时，就好似两个拍档坐在一起分析剧情，也表示相当期待与妈妈一同演出。
林恺铃称Evelyn在场俾贴士
讲到早前与Jeffrey魏浚笙激咀的剧情一事，她腼腆的表示没有与妈妈一齐睇，说：「好似细个同屋企人睇到情欲戏咁，worse 100倍。」拍激吻戏份时魏浚笙的女朋友Evelyn也在场，又会否觉得尴尬？她回答说不会：「我觉得如果尴尬，就真系完全低估咗Evelyn嘅专业程度，因为佢系真系一个非常之叻、好专业嘅一个经理人嚟。佢在场反而又畀返贴士我哋。」
林恺铃拍摄时只注重镜头
如果有粉丝问，与魏浚笙接吻感受是怎样，她回答，相比起「体感」，她更注重如何迁就镜头拍摄：「要睇住个cam去咗边，个心谂住个cam多过体感。」她也大赞Evelyn专业，说：「我觉得要帮Evelyn讲返句说话。大家真系唔好低估佢嘅专业，佢除咗系Jeffrey女朋友之外，仲系一个专业经理人。如果大家仲以用佢系女朋友角度睇，完全忽视咗佢系一个好叻嘅女仔。Jeffrey咁成功，背后一定系因为Evelyn都非常之专业，同埋真系知道点样管理艺人。」
陈汉娜自爆曾为电影疯狂减磅
陈汉娜接受访问，她表示没有幻想过自己会行骚，笑言：「身材好啲就好啲。」有记者问想不想行骚，例如Victoria Secret，她也回答：「要好有恒心。」讲起身材管理，她表示自己为电影曾疯狂减磅：「瘦到自己都觉得瘦，见到胸骨。」不过，她也直言，相比起减磅更怕要增肥。
陈汉娜澄清校园欺凌传闻唔系事实
近日林恺铃激咀魏浚笙成为话题，她表示有留意，坦言觉得是「剧情需要」。当年她曾与Anson Lo拍接吻戏，问及她当年有没有被网民大肆批评？她回答：「好似冇，因为都唔系咀得好狼。（有没有被网民攻击？）好彩都冇，因为Anson Lo啲粉丝好好，拍紧𠮶时会话『加油呀、辛苦晒』。」问到她被卷入两单校园欺凌事件，她回答：「首先唔系事实，讲返以前啲嘢出嚟，我自己觉得已经唔系咁，所以之前都回应咗。」又讲起早前袁澧林metoo事件，她坦言未曾遇过，也说：「都系双方尊重。其实都系一个工作，点解要咁？讲咁多呢啲唔关事嘅嘢。首先我好少同人讲嘢，所以应该冇乜机会有人对我咁做，如果有人讲啲咁嘅嘢，我会觉得好odd。（唔舒服？）都会唔舒服，演员嚟做访问讲啲咁嘅嘢。」
