穎喬Ziva出新歌回憶過往戀愛腦經歷邀「撞樣」舊愛鄭旨睿任MV男主角

更新時間：22:45 2026-10-19 HKT
發佈時間：22:45 2026-10-19 HKT

本年度女新人穎喬（Ziva）推出第二首個人單曲，以全新R&B風格演繹全本地製作《為誰來奮鬥》一曲。該曲MV更獻出Ziva第一次以故事形式拍攝，更特別邀得香港排球代表隊成員鄭旨睿獻出其第一次擔綱MV男主角一職，與Ziva共同演繹一段充滿拉扯、現實與自我救贖嘅故事。

穎喬親自邀請鄭旨睿

問到Ziva為何會找到鄭旨睿擔任男主角？她笑言：「因為佢嘅外表，係我親自邀請佢嘅，可能因為佢有啲似我過往嘅一段感情嘅男主角。」二人因為亦是首次以演戲形式拍攝MV，Ziva稱：「首先我好感謝鄭旨睿一口答應幫忙做呢個MV嘅男主角，而從未拍過任何戲劇嘅我哋，我都擔心會否尷尬，不過好好彩，唔知哪來的默契，好快我哋就投入歌詞故事之中。」

新歌講述戀人受傷自救重生

《為誰來奮鬥》歌曲內容是講述一對戀人，從傷痛、冷眼旁觀到最終重生的心路歷程，所以兩位主角都需要精準地呈現出女主角在逆境中「受傷、自救、解鎖」的覺醒過程。

穎喬大讚鄭旨睿演技

MV選取「陶藝」作為核心意象。Ziva與男主角最初親密地拉陶瓷，流露無盡甜蜜。然而這些溫馨場景，隨劇情發展轉化為扎心的閃回——從熱戀期的歡聲笑語，到經歷分歧、男主角心思轉向他人，Ziva要一人獨自面對破碎現實。Ziva 補充：「我真係要大讚我呢位男主角嘅演技，我同佢雖然都係首次演戲，但在好短時間由熱戀感到離開我，到演繹得淋漓盡致，亦都令我好容易投入其中，真係好感激今次佢嘅付出。」