吳若希被「流放」撼HOY新劇？車婉婉指《三代同糖》寫實談拍檔歸期：都係顧住自己先

更新時間：16:30 2026-10-19 HKT
發佈時間：16:30 2026-10-19 HKT

TVB處境劇《愛·回家之三代同糖》開播後，擔大旗的吳若希因演技浮誇成為網民箭靶，又因手誤點讚友台帖文而激怒高層。在剛過去的星期播出的第49集中，吳若希最終被「發配邊疆」，流放至吳旺達。

車婉婉澄清吳若希非永久離開

車婉婉今日（19日）出席減壓活動時，提到吳若希被「流放」一事，她予以否認，並指劇情交代對方跑完3億業績就可以回來。對於劇集被指現在已不是「三代」，她表示處境劇非常寫實：「好多時屋企裏面嘅單位都會有唔同嘢要做，可能留低或離開一陣，其實我個角色都係突然間返咗嚟香港。故事一路會有好多唔同發展，我覺得大家真係要期待，因為將會有好多好多唔同嘅線爆出嚟，而唔同嘅線亦都有唔同嘅人。我哋可能好幸福啦，大家都咁留意住我哋呢個家庭，但其實個設定係會分拆，有好多支線同故事。（一早知有好多支線？）係呀！但開頭都冇話一嚟就十條支線，觀眾都唔能夠接受一時間有十條支線，始終都係有一個核心點去分拆，就由我哋個家庭去分拆。」

車婉婉避談收視及吳若希歸期

被問到是否因為收視欠佳，所以要召回舊演員來救亡？車婉婉笑言「咁高層」的問題不要問她，自己也不懂回答。至於吳若希的確實歸期，她表示不知道對方請假請了多久，自己亦不懂回答；問到是否知道吳若希去了韓國旅遊？她同樣表示不知道，直言忙到跟對方沒有聯絡。而對方是否肯定會回歸？她也表示不知道，與對方最後一場的對手戲亦已經播出：「我唔知，你問返嗰啲主角，即係請假、批假嗰位，唔好問我。啲假又唔係我請，我都係顧住自己先，盡力做。」

車婉婉正面看待對手《李寶安》

HOY處境劇《你的保安李寶安》改於晚上8時播映，正面對撼TVB的處境劇《愛·回家之三代同糖》。問到是否覺得該劇是強敵？車婉婉表示不知道，但她認為娛樂圈或電視圈百花齊放也是好事：「即係觀眾又開心，跟住演員又開心，因為演員有工開，觀眾又有好多嘢睇。（可能會搶走收視？）我又冇諗呢啲，呢啲嘢我都唔識答。」至於吳若希離開後收視是否回升？她指一直以來對收視都沒有太大壓力：「因為我覺得好多嘢自己都控制唔到，只可以抱住一個好嘅心態同準備，每日去開工，盡力去做好自己的崗位。個個禮拜都有新嘅收視，呢啲交返俾監製去把持，我做返演員角色就得。」

車婉婉適應與樊奕敏、歐瑞偉開工

提到減壓，車婉婉直言最佳方法就是睡覺，因為在香港不論大人或小朋友均有不同壓力。她透露兒子現時面對功課時，也會有不耐煩的反應，所以會跟他解釋讀書是其責任，並只能以甜品來哄他。至於工作方面，車婉婉也坦言有點壓力，笑指這幾天均要通宵拍劇，今日出席活動前開車送兒子到朋友家中，之後去取車時卻找不到車匙，後來才發現車匙一直插在車內。問到是否因《愛·回家》負評多而感到壓力？她說：「其實我冇咩睇負評，只係每日都好趕，劇本又出得急，加上同『三太』樊奕敏、歐瑞偉開咗工幾日，大家要互相適應，新角色都需要磨合。我又唔覺好大壓力，係好開心，希望同『三太』撞出新火花。」