方力申買NFT幾乎輸身家 金額大到唔敢同老婆講：成日想一鋪發達 自爆買名錶充大頭鬼
發佈時間：18:30 2026-10-13 HKT
被外界視為娛樂圈「隱形富豪」的方力申，其父親是畫廊老闆兼藝術收藏家方毓仁。方力申自小在父親薰陶下，於2005年開始涉足藝術名畫收藏與交易，如今坐擁過百件珍藏藝術品；方爸爸更曾大爆兒子的藏品總值數千萬元。再加上他手持市值近5,000萬元的元朗首譽3,365平方呎獨立洋房，身家早已估計破億。
方力申買NFT輸身家 瞞家人不敢坦白
近日方力申作客YouTube頻道《巴打圍爐》，大談風光背後鮮為人知的低潮期。他在節目中自爆身家曾大幅縮水：「我買NFT就輸好多錢，輸嘅錢係唔敢同屋企人講啦。我老婆日日都問我幾多，幾多位數啫，幾多啫，我最多唔同奶奶講啊。咁我都冇講過，即係仲輸得多過我以前買股票嗰啲啊！」
相關閱讀：方力申與葉萱為女兒搞豪華百日宴 雍容華貴外母首曝光 馬主細佬極有型
方力申曾為撐場面豪買名錶
方力申在節目中罕有地分享自己投資失利的慘痛經歷，坦言疫情期間遇上經濟低潮：「我最冇錢嘅時候，我買咗樓，然後又有疫情，又冇咩事做啦。跟住呢，第一次講，我買NFT就輸好多錢，我輸嘅錢係唔敢同屋企人講。我有一段時間係驚，我望住我戶口剩返嘅錢，我有啲驚。而家我覺得我回咗啲氣，冇咩事做嘅時候，反而我係使最多錢去買錶。」
他笑言當時買錶純粹為「充撐場面」：「我買咗十幾萬、二十幾萬嘅錶，但係你又唔太見我戴出嚟。我覺得可能你十次見到我戴一次，人哋就會覺得我好似撈得幾好喎。我睇網上面啲人話：『你係戴畀人睇，唔係你鍾意嘅嘢，係你怕別人覺得你唔掂，所以戴畀人睇。』我睇到嗰篇文章，發覺自己真係咁樣。但係我係嗰種好cheap嘅人，戴咗又怕整花。所以我覺得嗰陣時出現咗自我懷疑，驚人哋睇到我冇嘢撈，喺我最唔掂嘅時候反而使最多錢；到環境好返啲，反而冇咩消費慾望。」
方力申改變心態學懂穩健儲錢
經歷過投資失利後，他認為現階段首要是儲蓄穩健資產：「始終有家庭，有太太同女，點都會穩陣啲。喺我事業唔係好掂嘅時候，譬如我有十蚊，我都照樣使八、九蚊；你而家問我，其實我有十蚊，都只會使六蚊，走去其他地方，都未到屋企。不過買股票真係最唔好學我，我以前就係想一鋪發達，所以我輸就係輸呢啲。」
相關閱讀：方力申葉萱結婚丨44歲方力申住近5千萬豪宅身家過億 擁逾百件珍藏家底豐厚
方力申半億豪宅逐格睇：
