周嘉洛唔嬲JW秘嫁冇邀請 捱陳曉華「兜巴星」獲讚有韌性丨獨家
發佈時間：07:00 2026-10-13 HKT
TVB新劇《驅魔速遞》日前順利煞科，周嘉洛與陳曉華首度合作擦出火花，當日上演「兜巴星」戲份，雖然是借位拍攝卻效果逼真。不過，全城焦點卻落在周嘉洛好友JW（王灝兒）身上，面對好友被《東周刊》爆去年低調秘嫁富貴猛人王至尊，周嘉洛兜圈表示，若然已婚的話，會大方送上祝福。文：鄺芷瑩 圖：林賓尼
日前《星島頭條》獨家直擊煞科戲份。對於早前《東周刊》獨家爆JW王灝兒去年11月秘嫁富貴足球隊班主兼音樂界猛人王至尊，身為JW好友的周嘉洛卻推說不知情：「呢個就唔知呀！」問到JW是否沒通知他？他稱：「如果佢保持得咁低調呢，相信佢唔希望係高調嘅囉！咁喺呢一個條件底下，我作為佢真正嘅好朋友，我絕對唔會叉隻腳埋去。無論知唔知都好啦，我都會好開心，如果佢真係結婚。」
周嘉洛今年冇收過JW利是
提到有指圈中好友陳瀅、馬天佑、羅天宇及陳懿德等「642組」閨密齊出席JW婚禮，周嘉洛回應說：「好開心喎。」談到農曆年可有收到王太JW的利是？他說：「冇呢啲嘢喎！我哋呢啲低調人嚟嘛。」再問到若然JW已婚，他會恭喜對方？他說：「係！我一定係想佢最開心、最幸福。（如果佢結婚冇通知你，唔會嬲？）絕對唔會！一定有佢嘅原因咁樣做囉，我做佢好朋友一定會尊重佢。」周嘉洛又指跟JW很久未有聯絡，因為各有各忙，但大家在電話群組內會傳訊息。
周嘉洛新劇喊戲「放題」
另外，戲中的周嘉洛由AI專才變身外賣員，當日以西裝Look及外賣員打扮出現。雖然突然下雨，但周嘉洛淋住雨演繹街上的戲份，表現十分專業。最精彩是陳曉華摑打周嘉洛的戲份，雖然只是借位拍攝未有真打，但效果相當逼真。被「掌摑」的周嘉洛表示在該劇演出的感情需求好高，有不少情感演繹會歇斯底里，又笑言拍喊戲如同「放題」，情緒上會很疲倦。而身形變瘦的他依然有胸肌。他笑言食好多蛋白質，要食返少少飯。
周嘉洛讚陳曉華情緒豐富
周嘉洛跟陳曉華首次合作，大讚她情緒好豐富，就算要演出歇斯底里場口，對方的存在都好幫到他入戲：「作為對手，覺得佢勤力嘅，作為演員嚟講，我覺得陳曉華係120分。如果唔係陳萍同陳曉華，咁我就做唔到呢個角色嘅要求。」化身「冷艷驅魔人」陳曉華對於要狂摑嘉洛，坦言覺得其實不過癮，笑言對他「憐香惜玉」，最後借位拍他做反應好真，加上始終女仔力氣差些，不擔心健碩男士會受傷。陳曉華反讚周嘉洛有200分，是有韌性的演員，彈性好高會即時應付到臨場改變，會向他好好學習。
陳曉華圓打女夢
雖然在大熱天拍打戲，陳曉華反而開心能達成做打女的願望，今次劇中打到煞科，沒減肥都瘦很多，打戲份量同男演員差不多是新體驗幾過癮。陳曉華也很願意繼續做打女。而劇中飾演妓女的曾文心當日演出喊戲，坦言以曉華為目標。至於監製陳萍也大讚周嘉洛表現有110分超出預期。
