張繼聰自認食得「奄尖」 讚謝安琪廚藝似餐廳 拍廣告勾童年回憶
更新時間：21:45 2026-10-12 HKT
發佈時間：21:45 2026-10-12 HKT
發佈時間：21:45 2026-10-12 HKT
字體大小
近日忙於開騷的張繼聰，趁空檔為快餐店品牌拍攝廣告，仲有機會與「最愛」電單車同場。不過一向貪靚的張繼聰就笑言，電單車有甜蜜負擔：「今次部電單車係自己鍾意嘅style，由車身嘅拉花、頭盔，我其實都有一個係一樣嘅！揸電單車拍攝係開心，可以寓工作於娛樂，但係拍廣告就會麻煩啲，因為戴完頭盔後，髮型亂晒要重新『set頭』，比較花時間。」
張繼聰為快餐店品牌拍攝廣告。
張繼聰自認食得「奄尖」。
張繼聰拍廣告與電單車同場 。
阿聰型到爆。
張繼聰自爆只懂煮麵醫肚
張繼聰自爆只懂煮麵「醫肚」，但大讚太太謝安琪廚藝非凡：「太太煮嘢食叻嘅，佢都會為屋企人煮唔同嘅食物、唔同地方嘅美食。但佢唔係淨係煮，仲會整埋擺盤，襯埋啲餐具咁樣，好似去咗餐廳食嘢，好勁！有時我都會帶佢出去食飯，都係想畀機會佢偷吓師！」
張繼聰拍廣告勾童年回憶
呢日拍攝快餐店品牌廣告，勾起張繼聰不少「童年回憶」，仲自認食得「奄尖」：「以前中學『打鐘』就急急腳行去霸位，當年十數元一個午餐，可以出街食飯就會覺得好開心，通常都係食雜扒餐、焗飯，因為夠快手，呢啲都係我嘅摯愛！」
最Hit
