张继聪自认食得「奄尖」 赞谢安琪厨艺似餐厅 拍广告勾童年回忆
更新时间：21:45 2026-10-12 HKT
发布时间：21:45 2026-10-12 HKT
发布时间：21:45 2026-10-12 HKT
字体大小
近日忙于开骚的张继聪，趁空档为快餐店品牌拍摄广告，仲有机会与「最爱」电单车同场。不过一向贪靓的张继聪就笑言，电单车有甜蜜负担：「今次部电单车系自己钟意嘅style，由车身嘅拉花、头盔，我其实都有一个系一样嘅！揸电单车拍摄系开心，可以寓工作于娱乐，但系拍广告就会麻烦啲，因为戴完头盔后，发型乱晒要重新『set头』，比较花时间。」
张继聪为快餐店品牌拍摄广告。
张继聪自认食得「奄尖」。
张继聪拍广告与电单车同场 。
阿聪型到爆。
张继聪自爆只懂煮面医肚
张继聪自爆只懂煮面「医肚」，但大赞太太谢安琪厨艺非凡：「太太煮嘢食叻嘅，佢都会为屋企人煮唔同嘅食物、唔同地方嘅美食。但佢唔系净系煮，仲会整埋摆盘，衬埋啲餐具咁样，好似去咗餐厅食嘢，好劲！有时我都会带佢出去食饭，都系想畀机会佢偷吓师！」
张继聪拍广告勾童年回忆
呢日拍摄快餐店品牌广告，勾起张继聪不少「童年回忆」，仲自认食得「奄尖」：「以前中学『打钟』就急急脚行去霸位，当年十数元一个午餐，可以出街食饭就会觉得好开心，通常都系食杂扒餐、焗饭，因为够快手，呢啲都系我嘅挚爱！」
最Hit
