米蘭時裝周丨57歲姚正菁處女行騷擺烏龍行一半掉頭走勁尷尬紫色泰國民族服艷壓全場

更新時間：16:15 2026-10-01 HKT
發佈時間：16:15 2026-10-01 HKT

林寶玉早前帶姚正菁到米蘭時裝周睇騷，日前菁菁在網上貼圖，透露踏上當地天橋做Model，呢次復出第一擊認真威水！姚正菁為泰國品牌在米蘭時裝周做Model，她為今次表演刻意減磅，以最佳狀態出場，這日身穿紫色泰國民族服亮相，不少觀眾以為她是泰國華僑，為服裝增添色彩：「真係發夢都冇諗過會做模特兒，仲要走上國際時裝周嘅天橋，絕對係最難忘嘅經驗之一！」

姚正菁自嘲拉高全騷平均年齡

作為「模特兒」界新人，姚正菁笑稱拉高全騷「平均年齡」：「我要多謝經理人林寶玉同埋主辦方肯畀個機會我嘗試，見到身邊好多模特兒都係年輕小妹妹，得我一個係呢個年紀嘅新人，難免都會有啲緊張，後來主辦方同我講，我散發嘅女人味係後生Model搵唔到嘅，所以證明『發夢』同年紀無關，最緊要把握每一次機會。」

姚正菁萌生進軍時裝界念頭

經過今次「做Model」後，姚正菁萌生進軍時裝界的念頭：「我今次真係好興奮，想喺時裝界繼續發展，因為我覺得冇嘢係冇可能。今次行show我都擺咗個大烏龍，因為綵排嘅場地比會場細，我一路掛住『表情管理』冇細心聽書，原來會場嘅Runway有成150米長，我行咗一半就已經掉頭走，真係超級尷尬！呢次算係我一個小遺憾，希望未來有其他機會可以再行show，完完整整咁樣行晒成個天橋！」