米兰时装周丨57岁姚正菁处女行骚摆乌龙行一半掉头走劲尴尬紫色泰国民族服艳压全场

更新时间：16:15 2026-10-01 HKT
发布时间：16:15 2026-10-01 HKT

林宝玉早前带姚正菁到米兰时装周睇骚，日前菁菁在网上贴图，透露踏上当地天桥做Model，呢次复出第一击认真威水！姚正菁为泰国品牌在米兰时装周做Model，她为今次表演刻意减磅，以最佳状态出场，这日身穿紫色泰国民族服亮相，不少观众以为她是泰国华侨，为服装增添色彩：「真系发梦都冇谂过会做模特儿，仲要走上国际时装周嘅天桥，绝对系最难忘嘅经验之一！」

姚正菁自嘲拉高全骚平均年龄

作为「模特儿」界新人，姚正菁笑称拉高全骚「平均年龄」：「我要多谢经理人林宝玉同埋主办方肯畀个机会我尝试，见到身边好多模特儿都系年轻小妹妹，得我一个系呢个年纪嘅新人，难免都会有啲紧张，后来主办方同我讲，我散发嘅女人味系后生Model揾唔到嘅，所以证明『发梦』同年纪无关，最紧要把握每一次机会。」

姚正菁萌生进军时装界念头

经过今次「做Model」后，姚正菁萌生进军时装界的念头：「我今次真系好兴奋，想喺时装界继续发展，因为我觉得冇嘢系冇可能。今次行show我都摆咗个大乌龙，因为彩排嘅场地比会场细，我一路挂住『表情管理』冇细心听书，原来会场嘅Runway有成150米长，我行咗一半就已经掉头走，真系超级尴尬！呢次算系我一个小遗憾，希望未来有其他机会可以再行show，完完整整咁样行晒成个天桥！」