胡定欣揭與外科醫生老公相識細節初次見面因陳健華態度自我懷疑：我一廂情願？

更新時間：16:30 2026-09-26 HKT
發佈時間：16:30 2026-09-26 HKT

視后胡定欣近日作客由森美、火火及劉翁主持的商業電台節目《公子會》，大方分享與外科醫生老公陳健華（Akin）的相識與相處細節。胡定欣在節目中透露，兩人是由圈中「金牌媒人」林盛斌（阿Bob）穿針引線撮合，不過阿Bob做事極為謹慎，事前做足功課觀察多年才正式推介，定欣笑言：「佢真係花咗好幾年嘅時間……我話『點解你識咗佢咁耐嘅時間，你一直個list都冇排喺佢度嘅？』」直至阿Bob認為時機成熟，才正式將Akin介紹給胡定欣認識。

胡定欣識人有戒心覺得陳健華可信

胡定欣提到初次看對方照片時，憑直覺決定想認識陳健華：「我覺得呢個人好可信。」她坦言作為公眾人物，過往對認識新朋友戒心極高，甚至連外出用餐都十分謹慎：「你諗下你要真係出嚟去識一個男仔，點都係一個公眾人物嘅時候，得與唔得都好，佢會講返你，可能同人分享……我連食飯我都唔會亂咁食。所以你諗下我單身時去認識到一個人嘅機會率係幾低。」但陳健華給予她的可靠感覺，成功令她放下防備。

胡定欣大談初見陳健華感覺

胡定欣更爆出兩人第一次見面並非浪漫的二人世界，她笑言：「我想話嗰餐飯仲要唔係兩個人，係十個人！但對於我嚟講我唔想有十個人……因為我去識男仔做咩要話畀十個人知。」雖然同場有大批朋友，但陳健華全程表現得非常大方淡定，完全沒有刻意獻殷勤或表現自己，反而令整個相處氣氛十分自然舒服。胡定欣回憶指：「佢當晚食飯佢唔係真係要嚟識咩女仔，同埋佢覺得同我哋一齊好舒服。」但亦因為對方太淡定，令她產生懷疑：「其實佢嚟係咪想識我……又好似唔係……我自己一廂情願？」森美用男士角度分析，認為陳健華「越淡定越有嘢」。胡定欣表示當日與陳健華初次見面便留下不錯的印象，覺得跟對方聊天夠直接，相處相當舒服。而拍拖後她曾問陳健華，他亦直認當日聚會並不是抱着相親的心態見面，卻被火火即場質疑：「佢講大話！」

胡定欣感受陳健華關愛

談到兩人步入穩定關係後的改變，胡定欣坦言以往多年習慣專注事業，性格獨立自主，凡事都是自己一手包辦：「以前咩都係自己一個人……『得㗎啦，我搞得掂㗎啦』。當你有一個另一半嘅時候，你要學點樣take care另一半，care佢嘅感受。」她透露兩人的生活節奏與價值觀非常相近，陳健華更給予她極多關愛與安全感，令她自發性想為對方付出更多：「佢點樣錫我、佢點樣對我，其實同時間提醒緊我……佢對我做嘅嘢，會remind我都覺得我要做返多啲。」雙向奔赴的甜蜜互動獲主持火火大讚醫生老公「高招」！