Son姐張慧敏訪問鄧兆尊出洋相？疑不知祥嫂已離世：而家冇消息網民嘲冇做功課

更新時間：16:30 2026-09-25 HKT
發佈時間：16:30 2026-09-25 HKT

鄧兆尊近日獲邀作客網上訪談節目《與Son對話》，豈料節目主持「Son姐」張慧敏疑因「冇做功課」失言，引起網民討論。節目中，張慧敏被質疑不知鄧兆尊媽媽「祥嫂」洪金梅已離世7年，即場探問祥嫂近況，表示：「其實而家都好似冇乜聽到祥嫂消息，係咪呀？」鄧兆尊回應：「過咗身呀嘛！」令場面變得尷尬。事後Son姐稱以為母親是「不能觸碰的話題」，鄧兆尊亦表示：「其實都係睇做訪問嗰個做咗幾多功課，定係問一啲好公式化嘅問題。」訪問出街後，被網民指節目淪為主持「反面教材」。

Son姐張慧敏疑不知祥嫂離世發文認錯

除了對受訪者的家庭背景一無所知，Son姐對鄧兆尊廣為人知的感情狀況同樣欠缺掌握。鄧兆尊擁有「3位紅顏知己」，但Son姐卻在節目中指有「4個」，甚至批評鄧兆尊幾位女友外貌，指她們身材樣貌「從缺」，又質疑鄧兆尊的品味。面對連番冒犯，鄧兆尊全程表現克制：「佢哋後生幾靚，90幾磅，可樂樽身材，妳未見過啫。」Son姐就批評今日（25日）於社交平台作出回應：「當日連續拍攝咗三個對談，鄧兆尊係最後一個，我係攰嘅，精神唔夠集中，亦都冇諗過鄧兆尊轉數咁快，同埋講嘢可以去到咁直咁深入。講多無謂，總之就係個腦實咗，沖（衝）口而出講錯嘢。」公開就失誤致歉。

網民怒轟Son姐氣場令人反感

節目播出後大批網民湧入留言區洗版，一面倒讚鄧兆尊有修養，狠批Son姐自取其辱。網民紛紛留言「成個訪問完美演繹最Mean嘅HR」、「一早覺得呢位Son姐女士啲訪問技巧、準備都好唔得，太扮嘢太想出名」，更有人直斥其氣場令人反感：「一見到佢就滑走，成個人氣場令人好唔舒服」。有網民指出：「佢根本就唔覺得自己係X咗」、「嗰啲典型HR X格，無料但又以為自己好醒」。相反鄧兆尊的應對贏得不少網民稱讚：「兆尊已經活成一個成熟兼充滿智慧嘅人」、「睇世事真係好通透，祥哥真係有家教」，指二人說話技巧高下立判。

Son姐張慧敏創立獵頭公司

Son姐張慧敏在職場及親子界素有「辣媽CEO」之稱，現實中的她是一名單親媽媽，十多年前與丈夫離婚，隨後獨力撫養一對子女「大T」與「小T」。擁有約30年獵頭經驗的她，於1998年創立竣鈞顧問（COREsearch），長年撰寫專欄，並以育兒專家形象自居。近年她更帶領子女跨界進軍飲食界共同創業，豈料今次親自操刀名人訪談，卻因低級失誤引發公關災難。