何雁詩駁斥放逐認曾遭冷暴力心疼罕病兒Asher受盡白眼被當癲出街講得最多係唔好意思

更新時間：12:00 2026-09-19 HKT
發佈時間：12:00 2026-09-19 HKT

何雁詩與老公鄭俊弘在2024年6月公開兒子鄭讚廷（Asher）在1歲半時確診患有罕見遺傳基因突變疾病「天使綜合症」（Angelman Syndrome），夫婦二人表現得非常樂觀積極，曾帶兒子前往美國接受密集的專業治療，其後又安排兒子入讀政府的S位特殊幼稚園，但近日何雁詩承認兒子已移居溫哥華生活並由家人代為照顧，她與鄭俊弘輪流兩地飛。雖然何雁詩大讚當地親自然環境有助兒子成長，不過引來網民狙擊兩夫婦家境富裕卻選擇「留港搵銀、放逐病子」。

何雁詩為仔甘願忍受網絡抨擊

近日何雁詩接受傳媒專訪，對於兒子Asher被送往溫哥華生活的真正原因，她直言香港環境狹窄，加上曾帶兒子出街時飽受旁人「冷暴力」與奇異眼光，令她身心長期受壓，為了讓Asler獲得更好的支援，決定為兒子的成長空間而甘願忍受網絡「棄養病子」的抨擊，何雁詩與鄭俊弘亦已正式展開「太空人」生活。目前Asle 已入讀有專屬導師的正統特殊學校，並有嫲嫲及親戚協助照顧。至於與鄭俊弘的婚姻，她說：「我哋而家係『Team Asher』嘅合作關係，一切以小朋友行先。」

何雁詩直言外地對特殊兒童配套比香港高

何雁詩強調送走兒子Asher唯一原因，是為了給他最好的成長環境，她直言外地的特殊兒童配套與社會容忍度遠比香港高，在香港帶特殊兒童出門，往往承受極大壓力：「對於特殊兒童嚟講，嗰邊啲Support同容忍度會大啲，始終地方大啲，周圍都有大嘅兒童公園，唔使同人爭，行路都阻唔到人，大家嘅壓力都少啲，心情會輕鬆啲。」何雁詩自爆曾在香港與溫哥華遭遇「冷暴力」，試過一家人在戲院睇戲，大家已刻意揀最少人及坐角落位的影院睇動畫片，兼且做足兒子隨時失控的準備，可惜仍無補於事：「Asher啲動作係好突然，當預測到佢會有大動作前，盡量箍住佢啲手腳，不過都Feel到隔籬啲眼神會覺得我個仔『做咩咁癲嘅』，臨走時我都講唔好意思，講佢知我個仔係特殊兒童。另一次，個仔喺影院需要好靜嘅環境時突然大笑，我都叫佢靜少少。」何雁詩又試過在溫哥華睇世界看球賽時，Asher對水特別好奇，試過將後座球迷的啤酒並摔落地，何雁詩即時致歉並欲移走啤酒：「因為唔想Asher再掂到，執番罐啤酒放落地，點知嗰個球迷就話我：『罐啤酒唔可以擺喺嗰度咩？』我解釋個仔控制唔到自己，唔想再整瀉佢罐啤酒先咁做。自從Asher出世後，我同人講得最多係『唔好意思』。雖然Asher不懂事未有影響心情，但何雁詩反而難受，自責自己做得未夠好，預計同類事陸續有來，所以要學懂調節心理質素。

Asher在溫哥華已入讀正統特殊學校

何雁詩透露Asher目前在溫哥華已入讀正統特殊學校，由嫲嫲及親戚幫手照顧，現時Asher仍需要人抱及坐BB車代步，為了陪伴Asher，她與鄭俊弘展開「輪更制」的空中飛人生活，這半年間她已飛了近3次，更因臨時要飛加拿大而無奈推掉工作，令她大感挫敗。但何雁詩堅拒移居溫哥華：「溫哥華咁慢嘅生活節奏唔啱我，唔會放棄香港市場，只係工作模式會變，要夾期，Asher一日都唔可以冇父母喺身邊，我哋會輪更留喺嗰邊，有工作先飛走，我呢半年飛咗2、3次溫哥華，預計1年大約有2至3個月喺嗰邊，其餘時間由Fred陪，我諗可能1個月只見到Fred幾日。」但在這段期間，何雁詩錯失工作機會，令心情跌落谷底：「唔係錢嘅問題，我接唔到個工作，覺得好自己唔專業，好在個客肯搵Fred頂替，感激經理人公司好配合我，唔會講難聽嘅說話。」至於會否擔心與鄭俊弘空中飛人生活引爆婚姻危機？何雁詩坦言有了小朋友後，雙方早已失去二人世界中：「大家嘅Focus都全放咗喺個仔身上，都冇諗點樣維繫關係，我哋而家係Team Asher嘅合作關係，一切以小朋友行先，佢都信得過嘅，其實佢有仔就萬事足，我對婚姻都有信心。」何雁詩明言一切以兒子行先，為愛兒着想願意付出雙倍金錢、體力、精神的代價：「做人父母一定攰，都知個仔越嚟越大，嚟緊嘅日子更難行，但佢令我人生多咗好多色彩。」