何雁诗驳斥放逐认曾遭冷暴力心疼罕病儿Asher受尽白眼被当癫出街讲得最多系唔好意思

更新时间：12:00 2026-09-19 HKT
发布时间：12:00 2026-09-19 HKT

何雁诗与老公郑俊弘在2024年6月公开儿子郑赞廷（Asher）在1岁半时确诊患有罕见遗传基因突变疾病「天使综合症」（Angelman Syndrome），夫妇二人表现得非常乐观积极，曾带儿子前往美国接受密集的专业治疗，其后又安排儿子入读政府的S位特殊幼稚园，但近日何雁诗承认儿子已移居温哥华生活并由家人代为照顾，她与郑俊弘轮流两地飞。虽然何雁诗大赞当地亲自然环境有助儿子成长，不过引来网民狙击两夫妇家境富裕却选择「留港揾银、放逐病子」。

何雁诗为仔甘愿忍受网络抨击

近日何雁诗接受传媒专访，对于儿子Asher被送往温哥华生活的真正原因，她直言香港环境狭窄，加上曾带儿子出街时饱受旁人「冷暴力」与奇异眼光，令她身心长期受压，为了让Asler获得更好的支援，决定为儿子的成长空间而甘愿忍受网络「弃养病子」的抨击，何雁诗与郑俊弘亦已正式展开「太空人」生活。目前Asle 已入读有专属导师的正统特殊学校，并有嫲嫲及亲戚协助照顾。至于与郑俊弘的婚姻，她说：「我哋而家系『Team Asher』嘅合作关系，一切以小朋友行先。」

何雁诗直言外地对特殊儿童配套比香港高

何雁诗强调送走儿子Asher唯一原因，是为了给他最好的成长环境，她直言外地的特殊儿童配套与社会容忍度远比香港高，在香港带特殊儿童出门，往往承受极大压力：「对于特殊儿童嚟讲，𠮶边啲Support同容忍度会大啲，始终地方大啲，周围都有大嘅儿童公园，唔使同人争，行路都阻唔到人，大家嘅压力都少啲，心情会轻松啲。」何雁诗自爆曾在香港与温哥华遭遇「冷暴力」，试过一家人在戏院睇戏，大家已刻意拣最少人及坐角落位的影院睇动画片，兼且做足儿子随时失控的准备，可惜仍无补于事：「Asher啲动作系好突然，当预测到佢会有大动作前，尽量箍住佢啲手脚，不过都Feel到隔篱啲眼神会觉得我个仔『做咩咁癫嘅』，临走时我都讲唔好意思，讲佢知我个仔系特殊儿童。另一次，个仔喺影院需要好静嘅环境时突然大笑，我都叫佢静少少。」何雁诗又试过在温哥华睇世界看球赛时，Asher对水特别好奇，试过将后座球迷的啤酒并摔落地，何雁诗即时致歉并欲移走啤酒：「因为唔想Asher再掂到，执番罐啤酒放落地，点知𠮶个球迷就话我：『罐啤酒唔可以摆喺𠮶度咩？』我解释个仔控制唔到自己，唔想再整泻佢罐啤酒先咁做。自从Asher出世后，我同人讲得最多系『唔好意思』。虽然Asher不懂事未有影响心情，但何雁诗反而难受，自责自己做得未够好，预计同类事陆续有来，所以要学懂调节心理质素。

Asher在温哥华已入读正统特殊学校

何雁诗透露Asher目前在温哥华已入读正统特殊学校，由嫲嫲及亲戚帮手照顾，现时Asher仍需要人抱及坐BB车代步，为了陪伴Asher，她与郑俊弘展开「轮更制」的空中飞人生活，这半年间她已飞了近3次，更因临时要飞加拿大而无奈推掉工作，令她大感挫败。但何雁诗坚拒移居温哥华：「温哥华咁慢嘅生活节奏唔啱我，唔会放弃香港市场，只系工作模式会变，要夹期，Asher一日都唔可以冇父母喺身边，我哋会轮更留喺𠮶边，有工作先飞走，我呢半年飞咗2、3次温哥华，预计1年大约有2至3个月喺𠮶边，其余时间由Fred陪，我谂可能1个月只见到Fred几日。」但在这段期间，何雁诗错失工作机会，令心情跌落谷底：「唔系钱嘅问题，我接唔到个工作，觉得好自己唔专业，好在个客肯揾Fred顶替，感激经理人公司好配合我，唔会讲难听嘅说话。」至于会否担心与郑俊弘空中飞人生活引爆婚姻危机？何雁诗坦言有了小朋友后，双方早已失去二人世界中：「大家嘅Focus都全放咗喺个仔身上，都冇谂点样维系关系，我哋而家系Team Asher嘅合作关系，一切以小朋友行先，佢都信得过嘅，其实佢有仔就万事足，我对婚姻都有信心。」何雁诗明言一切以儿子行先，为爱儿着想愿意付出双倍金钱、体力、精神的代价：「做人父母一定攰，都知个仔越嚟越大，嚟紧嘅日子更难行，但佢令我人生多咗好多色彩。」