謝東閔認請陳庭欣食生日飯卻否認追求借黎明金句：同撞鬼一樣講緣份

更新時間：19:15 2026-09-16 HKT
發佈時間：19:15 2026-09-16 HKT

謝東閔今日出席「第27屆國際獅子會青年營及交流計劃」啟動儀式，他透露曾於在英國參加足球訓練營外，還試過中學時期在當地居住寄宿家庭，由於屋主每晚茄汁豆、沙律做晚餐，更笑謂經過寄宿生活自學炒飯、炒麵及蒸魚等，調返轉屋主要品嘗他煮製的食物。

謝東閔認埋單請客好正常

另外，提到陳庭欣（Toby）近日被爆獲謝東閔（Brian）包場為其39歲生日埋單而傳出緋聞。謝東閔承認自己為陳庭欣生日飯局埋單，但笑言都會請好多女生吃飯，不過認為當日多女生在場請客好正常。當笑指他是否欠陳庭欣好多餐飯？他笑說：「我等佢欠我！」談到為陳庭欣生日飯埋單，是否想追求對方。他說：「如果我請一個女仔食飯就想追佢，咁我一年都請幾十個女仔食飯？（經常請人食飯？）咁有時女仔都會請食飯，我唔講啫。」謝東閔承認將會跟陳庭欣有生意上合作，可能近排比較多見面。問到跟陳庭欣可有機會擦出愛火花？他說：「識咗咁多年，要追就追咗啦！」

謝東閔單身搏殺期

現時單身的謝東閔，表示現階段為事業搏殺期，自從離開TVB 後比之前更忙，感情事沒有時間多想。談到跟陳庭欣傳緋聞後，二人見面會否覺得尷尬？他笑說：「我唔知醜嘅，唔會嘅！識咗咁多年都係咁樣。」談到遇上合適女仔會否展開追求，他笑指感情事好難講，有機會可能明日遇到或者一生都遇不到，更以黎明金句表示「同撞鬼一樣講求緣份。」