羅家英罕爆追求汪明荃竟要賣樓認搣足1年積蓄重提舊愛李寶瑩分手細節：唔緊要我窮慣

更新時間：10:00 2026-09-04 HKT
發佈時間：10:00 2026-09-04 HKT

79歲的粵劇名伶兼影星羅家英，近日透露與太太汪明荃結緣多年的相處之道。談及這段演藝圈的模範婚姻，羅家英笑言汪明荃平時最愛講道理，但夫妻倆各有原則，相處時全憑一套獨特的智謀與包容。羅家英表示：「大家講道理，佢最鍾意講道理。你有道理佢就聽，你個道理啱過佢，佢就收聲嘅。如果你冇道理，你就收聲囉。」他更透露日常生活中面對阿姐的強勢，自己早已有一套應對招數，例如開車或選餐廳時順著對方的脾氣，但在專業領域上則堅守原則：「我唔提意見。我要提意見嘅話呢，一定係一些比較大嘅嘢。」

羅家英一年不接戲只陪汪明荃

羅家英談到跟汪明荃當年因粵劇結緣的經過，當年汪明荃開出「一年內不能接其他戲、專心陪她排戲」的條件，羅家英毅然賣掉灣仔的舊樓套現，邊咬牙搣積蓄邊陪她排練。而在舞台上，作為導演的羅家英就算面對名氣極大的汪明荃也絕不退讓。他回憶有次在溫哥華排戲，汪明荃試圖干預導演的舞台調度，他當場大聲斥責維持紀律，羅家英直言：「你有你嘅原則，我有我嘅原則。你雖然係名氣大，但係喺大戲裏面，我唔可以聽晒你講。我大聲喝佢：『我係導演，妳睇妳嘅劇本，做妳嘅嘢啦！』這個原則嚟㗎嘛，唔可以過。」

相關閱讀：羅家英曾因一事感羞愧自嘲似男妓自覺一生顛簸罕談前度李寶瑩：蹉跎咗婚姻

羅家英與舊愛李寶瑩分手原因曝光

在遇上汪明荃之前，羅家英與粵劇名花旦李寶瑩有過一段愛情長跑。二人於 1973 年開始拍拖，當時李寶瑩已紅透半邊天，羅家英僅小有名聲，這段身分懸殊的「姊弟戀」一直不被外界看好，連李寶瑩的父母也懷疑羅家英接近女方是別有用心。然而兩人頂著壓力一愛便是14年，直到1987年正式分手。羅家英罕有透露當年分手的細節，原來兩人在合作完《洛神》籌款演出後，得知李寶瑩隨後將要與林家聲搭檔演出，羅家英便心知這段事業夥伴與情侶關係已走到盡頭，雙方沒有吵架也沒有正式告別便默默拆檔。羅家英坦言：「當時係性格不合，我哋做完嗰場戲，大家冇講拜拜嘅，大家唔講……總之就靜靜地離開。」面對事業與情場低谷，家英哥當時顯得極為豁達：「我話唔緊要啊，我窮慣，我最多返去東頭村住囉，返去馬來西亞做街戲，我覺得一啲問題都冇，我冇一啲低落過。」

羅家英想拍一部收山電影

羅家英經歷過幾次癌症折磨並抗癌成功，面對80大壽有了全新的人生醒覺。他直言羅家男性普遍不長命，原本以為自己活到70歲已是天賜，如今邁入80大關，算算身邊親友離世的年歲，更驚覺自己也到了這個階段，笑言：「咦，我排緊隊喎！」這種緊逼感讓他決定不能再懶散，希望在有生之年為粵劇傳承留下紀錄，並期盼能再拍一部經典電影作為封刀收山之作。羅家英表示：「去到80歲加加條數，我就算88歲命，我已經覺得係好長命嘅啦，我夠啦，人生夠啦！最緊要身體好，我要做返啲嘢，留返啲紀錄。」