鄭世豪晒《愛回家》合照獨缺「大小姐」林淑敏 發毒誓轟有人壞手法做盡 不捨好人被指責
發佈時間：12:00 2026-08-13 HKT
TVB處境劇《愛．回家之開心速遞》已在上周播出大結局，但演員之間的風波仍未平息。早前傳出滕麗名與「大小姐」林淑敏不和傳聞，而於2024年已退出劇組兼離巢的「細龍生」鄭世豪，日前借「繼承人」情節暗寸林淑敏「假到黐線」後，前日（11日）分享《愛．回家》拍檔合照時獨缺林淑敏，再次引起網民熱議。
鄭世豪晒大量合照變針對
鄭世豪前日在IG分享近20張合照，表示：「雖然大結局前我已經有結局，但等我都分享吓先～ Miss You All！Part 4」，鄭世豪提到當日離開劇組時感到不捨：「自知要離開嘅那一刻，心真係好唔捨得，點滴非常多，所以之後趁住大場面、多人喺度嘅時候，我都阻阻大家影張合照留念。感激愛回家之開心速遞台前幕後，能同咁多位合作，有你哋嘅汗水同笑聲和教導，係我最寶貴嘅歷練。龍力士，多謝大家一路伴隨，期待下一站再見！」
相關閱讀：滕麗名林淑敏傳不和丨《愛回家》是非多？鄭世豪寸林淑敏好假 傳呂慧儀擺款 陳浚霆疑打人毒針
鄭世豪被批評小器 暗指有人扮好人
但不少網民睇到多個帖文中，未有飾演鄭世豪家姐的林淑敏合照，批評鄭世豪「小器」、「搞小動作」、「搞啲咁既小動作，成個女人咁」。鄭世豪隨即在Threads上發文反擊：「你哋可以繼續鬧我，橫掂努力咗廿幾年，最後嘅人生都係各位嘅小氣作結。今次令我氣憤嘅係，真正做好事嘅人被指責無風度，那些扮好人的，反而繼續被大家捧在手心。真係感同身受，氣難平。我嗰疊及眼見的，多到輕輕數都大把，所以真係頂得好辛苦了，離開吧，等自己生活好過點。」
相關閱讀：滕麗名林淑敏傳不和丨「大小姐」回應被Unfollow：唔想搶走焦點 避談鄭世豪暗寸「好假」
鄭世豪：佢做戲真係好叻
鄭世豪更發毒誓：「點知最尾都要死搶，剝奪人家嘅最後東西，平日做戲已經成日不理他人，成日死搶難搶，片場鏡頭前後壞手法做盡。哼～答完記者，仲要扮無心之失。咩又上咗一課？！癡（黐）線，仲係新人啊？！訪問都做過千億幾次啦，所以佢做戲真係好叻㗎！你哋無鍾意錯佢㗎！仲有如果我真係咁要暴（曝）光，之後我又點會推晒各大傳媒嘅專訪啊！而我此刻可以好肯定地對天發誓，我有屈人，我不得好死！完。」
相關閱讀：滕麗名疑爆粗回應不和傳言 「藐樣」稱與林淑敏非朋友 態度惹網民狠批小家丨愛回家大結局
不少網民表示理解鄭世豪的感受，認為「無風不起浪」，若非有極大委屈，不會公開發難。有留言稱：「講到咁明已經好難得」、「大家唔好亂鬧人呀」、「其實依家佢依家fans自然會鍾意，道不同不相為謀」。亦有網民翻出舊事，指事件導火線應是當年鄭世豪離巢消息被林淑敏搶先爆出，認為鄭世豪的憤怒情有可原。
《愛．回家》不和風波網民反應兩極
但也有網民認為鄭世豪的指控缺乏具體實例，僅為單方面指責：「其實你都離開咗點解唔可以整件事講出嚟，講啲唔講啲其實對對方亦都唔係一件公平嘅事，如果呢件事真係令到你咁大傷害，咁多人討厭佢，其實你講出嚟仲好啦。你反而而家咁我就覺得你仲煩，就好似覺得一個男人死唔斷氣不停講不停講但係又唔講細節，要人哋去猜度或者要改變人哋嘅想法，咁不如唔好講。抑或你想將呢件事講出嚟，令人記得起你，坦白講你唔再反覆講呢件事，我都唔記得有你嘅存在」。
相關閱讀：滕麗名藐爆林淑敏成熱話 自爆遭前輩直斥「黑面樣衰」 認冇表情得人驚屢行冤枉路
鄭世豪被批評搞小動作好肉酸
而有網民提起歐錦棠明刀明槍，對邊個有不滿都會直接在網上頻道交代成件事，不似鄭世豪「攪（搞）埋晒啲小動作，好肉酸」：「晒（嘥）氣，又係一句有講等於冇講的說話，貫徹小人風格，我冇話你小氣（器），唔好屈我，不過都欣賞你終於認咗自己係小人」，鄭世豪也有回覆網民：「如你有睇過晒來龍去脈，就會知，如果無緣睇到，我就繼續係小人和小氣（器）嗰個好了，多謝教誨」。
相關閱讀：滕麗名取消關注林淑敏疑不和到出面 《愛回家》煞科受訪面阻阻 呂慧儀夾中間超尷尬？
鄭世豪暗寸林淑敏「假到黐線」：
