農夫紅館演唱會獲群星追捧 黃子華佘詩曼驚喜同框 張家輝關詠荷罕夫婦檔現身

一連三場的《農夫全港最好笑嘅演唱會》於紅館圓滿落幕！陸永與C君組成的農夫，這次舉行紅館演唱會口碑載道，現場氣氛一場比一場熱烈。昨晚（9日）舉行的第二場有古天樂與MC張天賦做嘉賓更獲得滿堂喝彩，全場掌聲與歡呼聲幾乎掀翻紅館天花板，被現場觀眾譽為是近年紅館最難得一見的「開心High爆之夜」，成功掀起熱話。

黃子華佘詩曼驚喜同框

今日（10日）下午《農夫全港最好笑嘅演唱會》迎來尾場，台下同樣星光熠熠、陣容鼎盛。開騷前，黃子華與佘詩曼這對《絕代商嬌》舊拍檔驚喜同框，一起現身觀眾席欣賞演唱會，瞬間成為全場焦點！此外，張家輝與關詠荷夫婦、炎明熹、陳柏宇、彭秀慧等亦有到場支持。當農夫在台上獻唱《中佬先係寶》及《Dream Girl》時，大會鏡頭多次捕捉到台下的陳柏宇、佘詩曼、關詠荷及彭秀慧等人投入的神情，場面歡樂。

相關閱讀：農夫演唱會｜MC張天賦自爆小學已迷戀農夫 古天樂壓軸以老闆身份現身 切燒豬唱《天命最高》全場High爆

群星追捧《農夫全港最好笑嘅演唱會》：

麥玲玲連續三場為農夫演唱會任嘉賓

《農夫全港最好笑嘅演唱會》尾場下午舉行，陸永與C君完成長達半小時的饒舌串燒歌後，邀請連續三場表演嘉賓麥玲玲、Novel Fergus及Pet Pet Shawn登場合唱《風生水起》，麥玲玲繼續以深紅色大衣內襯低胸長裙出場，陸永開玩笑指：「以為妳最後一場出嚟會唔著！」麥玲玲笑言服裝由組合二人安排，C君再開玩笑：「唔係以為啲後生想睇呀？」陸永於是便於現場尋找「開心伯」，開觀眾席燈光笑言：「有冇六十歲觀眾？」同樣連續三場的表演嘉賓張繼聰與農夫組成「人夫集團」，宣傳三人將於今年十月合作演出，農夫與張繼聰身穿黑色禮服並合唱《我連結婚都夠膽》一曲。

陸永：對阿佘叫除褲

演場會尾場吸引黃子華、佘詩曼到場支持，陸永與C君在演唱《乜代宗師》前鼓動全場大叫「回水」、「除褲」呼應黃子華棟篤笑多年傳統，陸永更大膽笑言：「大家要對子華叫回水、對阿佘叫除褲！」C君則回溯農夫與黃子華及佘詩曼昔日合作，形容為《絕代商驕》《棟篤特工》及《乜代宗師》班底重聚。黃子華近年成為電影票房神話，陸永便開玩笑指全因未繼續拖累黃子華：「農夫為《乜代宗師》做配樂，用咗好多個月終於搞掂，之後子華神就再冇搵我哋拍戲！」

相關閱讀：農夫演唱會2026丨麥玲玲變HipHop女王撞樣肥姐 閃爆登陸掀高潮 曾傳豪封7位數人情賀C君

《農夫全港最好笑嘅演唱會》尾場精彩照片：

農夫演唱會尾場JFFT擔任嘉賓

農夫於尾場請來JFFT擔任嘉賓，以前輩身份表示對方為下一代接棒人，並六人一同合唱《學海無涯》。昨日演唱該歌曲的MC張天賦因為熟悉農夫歌曲而未用提詞器，陳鈺麟（床哥）今場亦笑言有共通點：「我哋都唔駛提詞器，睇唔睇都唔識！」但陸永卻知道另一成員李嘉彥（雞翼）熟悉農夫多年作品曲詞，更踢爆李嘉彥十六年前曾參加農夫演唱會的和音選拔但最後被淘汰，C君則覺得堅持會有回報：「依家唔駛做和音，可以做主音！」

農夫出道超過二十年，在演唱會台上感謝一直支持的鐵粉，身上穿著「只限老友」的非賣品上衣，農夫透露為二人送贈粉絲的禮物。二人更感謝「只限老友」粉絲由第一個騷開始支持：「當初喺一間就嚟執笠酒樓開音樂會，三圍枱有兩枱係酒樓工作人員，另一枱就係呢班人！」亦感謝粉絲當年曾穿校服參與MV拍攝，更開玩笑指不僅「賺粉絲錢」更會「借粉絲錢」！

相關閱讀：農夫5月開騷最高票價只售$780元 C君：睇我哋係唔應該咁貴

C君外母到場支持

陸永與C君完成《農夫全港最好笑嘅演唱會》到後台接受訪問，表示事隔十六年再到紅磡體育館舉行三場演唱會感到非常滿足，C君笑言：「十六年前只得一場，今次三場進步咗三倍！」演唱會期間二人多次以票價開玩笑，陸永笑指：「價錢定得啱，一開始就話我哋賣點係要賣平！」續指在母親節正日定於下午舉辦則為替粉絲著想的安排：「唔係咁自私剩係我哋要陪，大家都要陪媽媽，人哋揀媽媽定揀你？」C君笑指若在晚上舉行或會無人購票入場。陸永表示留意到不少粉絲攜同母親參加演唱會作為慶祝活動：「我好感動，見到有銀髮族！有人帶媽媽、甚至媽媽嘅媽媽嚟睇！」C君表示外母都有到場支持，陸永亦安排母親欣賞今日場次：「我媽媽有嚟，我兩個女嘅媽媽都有嚟！」並笑言將同媽媽一齊慶功：「梗係慶功加母親節一齊啦，因為主辦單位請嘛！」

農夫指古天樂是老闆非秘密

古天樂昨日（9日）成為演唱會嘉賓，更身兼老闆身份為農作天下公司舉行開張，陸永知道古天樂一向忙碌，但亦在完成其他活動後堅持出席，而共同籌組公司亦非秘密：「唔係秘密，冇特登收埋。」C君則笑言：「唔須要特登收埋，但真係冇人會問。」二人透露成立公司並非一朝一夕之事：「兩年前開始傾，想開公司做咩，傾到2025年真係成立。」C君補充指當時剛剛結束經理人合約因此打算自行開公司，加上手上有企劃希望請投資者，豈料企劃吸引程度讓大家決定成立公司進行，但仍以古天樂開玩笑：「我哋邊有過人魅力，佢個人已經好有魅力！」陸永則透露古天樂曾到過公司辦公室一次：「佢冇嘢讚過，剩係讚過『好嘢喎成間公司乜都冇！』覺得好型，真係乜都冇，得一張梳化、一張茶櫈。」但二人不願透露古天樂實際投資額：「唔係投資原就算，係永續嘅！」C君再以一貫風格開玩笑：「係一位數，佢自己一位嘅數！」

農夫親自邀請TWINS任嘉賓

演唱會頭場嘉賓請來蔡卓妍及鍾欣潼擔任嘉賓，陸永表示親自邀請TWINS出任嘉賓並感謝鍾欣潼：「阿嬌特登飛返嚟做嘉賓，原本打算做完英皇騷留多幾日，但留唔到所以又再隔幾日特登返嚟。」表示農夫曾做過TWINS演唱會嘉賓與活動主持，C君透露：「都係友誼、動之以情，同埋大家都係可憐嘅心態，唔知我哋有冇下一次，幫你啦！」認為是次嘉賓全部希望具有意義，將《學海無涯》配唱《士多啤梨蘋果橙》成為一種合襯配搭。

農夫將與張繼聰合作綜藝舞台騷

張繼聰一連三日作為嘉賓，順道宣傳三人於十月合作《人夫集團》節目，C君透露形式非常創新難以具體形容：「係一個綜藝舞台騷，又唔係演唱會又唔係棟篤笑。」陸永則認為類似《鬚根騷》但非致敬黃子華經典舞台作品，節目已定於戲曲中心舉行。

C君不敢「滾攪」黃子華

黃子華與佘詩曼今日一同出席尾場支持，對於未有邀請黃子華上台，C君表示：「唔好滾攪我哋心目中嘅神！」陸永則感激黃子華出席，覺得願意觀賞已經面子十足！更感謝黃子華對今次演唱會提供許多建議及靈感：「其實佢係一個唔收錢嘅顧問！」農夫作為多年棟篤笑捧場鐵粉，至今仍力撐黃子華作品：「我哋粉絲見面會係包場睇《夜王》同《破．地獄》！」陸永則補充指亦有包場觀賞《尋秦記》，並笑言：「更加多電影應該搵我哋，預咗唔掂先，再唔用我哋！搵我哋拍完先累一鑊，再之後就一定掂！」

相關閱讀：黃子華《絕代商驕》CP 13年後再合體 佘詩曼事隔13年完全冇老過

佘詩曼罕被網民批評：好肉酸？

農夫第二場演唱會亦有星級觀眾

農夫兩位成員在演藝圈中向來人緣極佳，除了尾場獲猛人撐場外，昨晚（9日）第二場的星級觀眾群同樣極具話題性。當晚吸引了大批年輕偶像及實力派藝人捧場，包括MIRROR成員江𤒹生（AK）及Alton、ERROR成員193與肥仔、樂隊Color Day，以及視后江美儀、高海寧、湯令山（Gareth.T）、洪嘉豪和Tyson Yoshi等。眾星在台下隨著音樂節奏搖頭擺腦，更被農夫逗得笑到前仰後合，可見農夫搞笑魅力非凡。