正義女神丨陳若思血腥弒母場面嚇壞網民為角色陷半年抑鬱搣到對腳損晒：處於好黑暗嘅世界

更新時間：22:50 2026-04-21 HKT
發佈時間：22:50 2026-04-21 HKT

由佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀演出的TVB律政劇《正義女神》在昨晚（20日）播出的一集，惡魔少女「阿Cat」陳若思再度登場，因為難忍「Cat 媽」顏仟汶近乎變態的控制及日夜的指責，竟重返殺貓之路，且手法越見兇殘並終被檢控，雖然「阿Cat」陳若思在庭上矢口否認殺貓，最終被「鄭邵玲」蔣祖曼當場斷正。

「Cat媽」顏仟汶對女兒管教更嚴厲

「鄭邵玲」蔣祖曼懇求胞弟「鄭邵文」周嘉洛手下留手，結果被判感化令，但「Cat媽」顏仟汶對「鄭邵玲」蔣祖曼極度不滿，不單阻止兩人見面，而且更對女兒的管教更見嚴厲，結果由殺貓變殺阿媽，「鄭邵玲」蔣祖曼目睹「Cat媽」顏仟汶滿身鮮血倒在地上，情緒一度崩潰，為事件感到自責。

陳若思「癲瘋」表現再度震撼網民

陳若思今次「癲瘋」表現再度震撼網民，一方面對蔣祖曼猶如GL配的一再「癡」纏、與媽媽吵架時激動至大聲尖叫兼揼地、在庭上極級神經質的扮無辜，以及殺貓時的兇殘眼神遞進變化，吸獲不少正評，但為了今次演出，陳若思坦言每次一提及此角色依然有痛苦的感覺：「我睇咗好多有關精神問題嘅劇，我會睇佢哋嘅眼神、反應同表情，自己吸收再參考點做，所以阿Cat嘅眼神係夾雜好多情緒，你會見到有無辜善良亦有邪惡嘅感覺。」陳若思續說：「我試過覺得焦慮時就會搣腳，對腳搣到損晒，我拍嗰時成日都覺得處於喺好黑暗嘅世界，就算返到酒店都喺度喊，長期都好唔開心，好抑鬱，最終用咗半年時間先走出嚟，對我嚟講係最沉重嘅一次演出。」

陳若思小時候受到言語霸凌

陳若思又稱小時候亦曾經歷過與「阿Cat」差不多的孤獨感：「細個身形比較肥，成日受到言語霸凌，學業又唔算突出，自卑感長期伴住我。我也好少同屋企人講，因為我知道爸爸媽媽好感性，我唔想佢哋擔心我，所以有好多情緒，都係喺夜深人靜自己一個人喊。」顏仟汶今次飾演「病態控制狂」母親角色，亦網民有所反思：「個阿媽好癡線」、「應該好多亞洲父母都係咁」、「阿媽演得好，好癲」、「佢阿媽呢種管教方法，最終唔係你死就係我亡」，顏仟汶早前亦在個人社交網呼籲家長要尊重子女及適當時放手，並一再點出了《正義女神》的其中一個主題-子女不是父母的附屬品：「其實拍攝嘅時候，我內心已經好唔認同呢種令人窒息嘅愛，仔女唔係父母嘅附屬品，更加唔係用來圓夢、滿足期望嘅工具。小朋友成長需要空間、需要尊重，唔好捉得太緊，多啲信任佢哋、少啲壓力同責備。用心栽培，識得放手，仔女先可以自在長大、向陽而生。」