鄭秀文完成兩場大馬騷被迫車廂表演食榴槤啟德門票預訂開賣即售罄

更新時間：22:15 2026-04-20 HKT
發佈時間：22:15 2026-04-20 HKT

天后鄭秀文（Sammi）日前率領超過200人的龐大團隊，從香港浩浩蕩蕩飛到馬來西亞吉隆坡，舉行一連兩場《You & Mi鄭秀文吉隆坡演唱會2026》。演唱會於上週六(18日) 圓滿結束，Sammi 在社交網上載短片分享感受，並自爆完騷後第一件事竟然是想吃榴槤。

Sammi被觀眾燈海感動

Sammi原來是「榴槤控」，她在社交網分享完騷後的花絮片段，並透露：「而家梗係休息食嘢，想飲少少紅酒，但我間酒店原來嚴禁榴槤，簡直係惡夢！所以就打算上車表演食榴槤，但係唔知個司機介唔介意，如果佢好介意我就冇得食。」其後，Sammi 又提到被觀眾的燈海觸動一度眼泛淚光，她剖白感受：「見到燈海，畢竟人，人係有感情，所以你feel到觀眾對你嘅support，同埋嗰個真心，自己都好感動。」她又直言自己當晚演出狀態甚佳：「我今（前）日嘅Energy level係高到不得了，但係都係日子有工，平時training做得足，運動量夠，所以返去繼續努力。多謝大馬嘅觀眾，多謝你哋送咗一個好難忘，好開心嘅夜晚俾我。」

Sammi大晒強勁「老鼠仔」

Sammi其後再出post ，展示積極操肌的成果，見她大晒手臂上強勁的「老鼠仔」，相當搶眼，並貼文表示：「V姐（ah mi）這些日子，馬不停蹄。身心累爆。這兩晚完成了大馬演唱會，非常高興，不過真心累，concert裡毫不留力啊！」她更透露回港後會休息十天，然後會積極為七月啟德演唱會備戰。另外，Sammi 將於啟德舉行的演唱會，門票今日(20日) 憑東亞銀行信用卡優先訂票，門票一開賣已經火速售罄，Sammi在社交網亦表示：「全部售罄，多謝大家。」

↓立即下載星島頭條App↓