金像獎2026｜衛詩雅憑《再見UFO》奪最佳女配角 上屆攞影后連續2年上台：希望仲有機會演落去
發佈時間：22:02 2026-04-19 HKT
金像獎2026／最佳女配角／第44屆香港電影金像獎（Hong Kong Film Awards）將於2026年4月19日（星期日）假香港文化中心隆重舉行，今屆最佳女配角由衛詩雅奪得，繼上屆勇奪影后之後，連續兩屆踏上頒獎台。衛詩雅憑《再見UFO》梁穎恩一角，壓倒《水餃皇后》的惠英紅、《風林火山》的鮑起靜、《女孩不平凡》入圍的鄧濤，以及《尋秦記》的滕麗名奪獎。
衛詩雅連續兩屆得獎
早前衛詩雅已憑同一角色，取得「香港電影導演會年度頒獎典禮」的最佳女配角獎，今次可謂是大熱得獎。今次頒獎嘉賓是樂隊朱凌凌，其中成員朱柏康讀出得獎者名字，他表示是「阿妹」得獎，立即令大家想起二人於《破‧地獄》飾演兄妹。雖然未有如上屆立即爆喊，但衛詩雅亦立即眼有淚光，她立即擁抱醫生老公周祉安，之後就和跟片演員黃又南深情擁抱。
相關閱讀：金像獎2026｜杜德偉憑《風林火山》奪最佳男配角 啜爆老婆李曉冰 特別多謝梁家輝徹夜教戲
衛詩雅從「阿哥」朱柏康手上攞獎
衛詩雅在台上從「阿哥」朱柏康手上取得獎項，衛詩雅忍住眼淚盡展大將之風，她表示：「我要多謝《再見UFO》嘅導演梁柏堅同埋監製AMY姐，多謝你哋7年前將呢個角色交畀我，希望冇令你哋失望。多謝《再見UFO》團隊，多謝台前幕後嘅工作人員同演員，我都要多謝EEG老闆，經理人，另外我要多謝老公，多謝你一直陪伴住我」。
衛詩雅：希望仲有機會演落去
衛詩雅之後補充：「呢套係7年前嘅戲，當時係我好迷惘嘅一個時期，我當時好開心有呢個機會，嗰陣我好驚自己做得唔好，依家得到呢個獎，可以話對7年前嘅自己有一個交代」。衛詩雅最後表示：「我會繼續做好演員，希望仲有機會演落去」。
衛詩雅：老公好旺我
衛詩雅憑《再見UFO》獲「最佳女配角」，她同時奪「最佳衣著獎」，在後台接受贊助商禮物，她受訪時哽咽感謝在場傳媒，稱大家都睇住她長大，感受到大家的支持，她感恩憑7年前的角色獲獎，指7年前的自己很迷惘，很怕之後無人找她拍戲，今日得獎想對7年前的自己講聲多謝，而且《再》片幾個月前才決定上映，否則今年無電影上，覺得很神奇，笑指上天永遠有最好的安排，她又感謝身邊支持她的朋友和很多幫她的伯樂，講到她去年獲影后激動落淚，今年在台上就很鎮定，她笑謂從「哥哥」朱栢康接過獎項，心情比較淡定，自己有進步。問到可覺得老公旺妻？她笑說：「都係既，老公都幾好，在我身邊無限量支持，好似我今日條裙露腿又露股都無話太性感，相信我所有的決定，覺得他是很旺我的老公。（老公剛才都很配合kiss cam？）他好鍾意，追住我來錫，怕人地影唔到。（叫他來後台影相？）他在出面，後補。」
相關閱讀：金像獎2026丨「港產片特效之父」朱家欣領終身成就獎 周潤發自爆入行跟朱父有關 為劉偉強成就《風雲》
