黃婧靈歎懷舊手工菜不顧儀態嗌兩碗白飯用餸汁撈勁識食

更新時間：16:45 2026-03-03 HKT
發佈時間：16:45 2026-03-03 HKT

由黃婧靈（波波）、倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

黃婧靈殺入下鄉道

昨晚「大廚發辦」莫燦霖師傅帶黃婧靈（波波）到土瓜灣下鄉道食懷舊手工菜。小店外貌並不起眼，但出品令人驚喜，莫師傅共點了4款必食菜式︰燒煎大白鱔、胡椒豬肚酸菜蜆湯、炸菜蒸牛肉、雞蛋砵仔焗魚腸。首先上桌的是白鱔，莫燦霖師傅笑言老遠已聞到香味，他說︰「呢味菜師傅只係輕輕掃薄粉就咁煎，應該乜都無做。反而喺味道拿捏師傅做到好準確，所以話做菜唔使下下都要做到與別不同，平凡中顯不平凡，先係最高境界。」波波吃後亦讚不絕口，外皮焦香之餘包裹住豐富肉汁。一旁的老闆娘吳太誇口表示在別家絕對吃不到！

黃婧靈變食家

當吃到炸菜蒸牛肉時，莫師傅形容是「童年回憶嘅味道」，他興奮說︰「啲牛肉靚過我哋細個食嗰啲，呢啲係手切。蒸完之後個汁仲可以撈飯，係我哋細路仔時食嘅家庭小菜。」波波還特意點了兩碗白飯，就是要用餸汁撈飯。老闆娘推介的焗魚腸吃的是手工及心機，魚腸不單要洗得非常乾淨，還要汆水2小時去腥。莫師傅自言此款菜只在一間名人飯堂吃過，這間小店出品足以媲美。

韓星都幫襯

此外，杜拜朱古力在香港興起已有一段日子，今集伍倩彤（Gillian）會介紹一間連韓星都幫襯的杜拜朱古力店落戶香港，她說︰「你以為杜拜朱古力熱潮已經完咗？錯喇，而家有變奏版，就係杜拜朱古力嘅麻糬同Q餅。最近一間喺韓國有600幾間分店嘅雪糕店喺香港開店，連K-pop偶像IVE成員張員瑛、Gaeul同演員盧允端都有幫襯。」她笑言行經附近都不妨買一粒試試，順便可以扮韓星打卡。

↓追蹤《星島頭條》WhatsApp頻道↓