五索進軍樂壇出處女單曲《不勞而獲》暗藏辛酸史馬清鏗動用絕世名車全力護航

影視圈

更新時間：06:00 2026-02-13 HKT
發佈時間：06:00 2026-02-13 HKT

34歲的五索（鍾睿心）與67歲富商馬清鏗愛得高調，屢次公開放閃，獲盡寵愛的她未有停下腳步，反而靠實力闖出一片天。除了經營網購生意，近日更踩入樂壇，推出處女單曲《不勞而獲》，趁農曆新年前發放歡樂氣氛，唱出普羅大眾「唔使做都有收穫」的心底願望，其實背後有更大含意：「每一個你以為只係幸運、運氣好，『不勞而獲』嘅人背後，其實蘊含着好多辛酸嘅故事，渡過了好多不為人知嘅經歷，也必須經過好多失敗和艱苦才能獲得你表面睇嚟嘅成就。」

J.Arie親自監製作曲

新歌《不勞而獲》由雷深如（J.Arie）親自作曲、監製，更客串MV演出，洗腦式「不勞而獲」歌詞無限Loop，一聽難忘。MV今日於YouTube上架，五索以多個造型登場，最搶眼莫過於火紅色三點式泳衣，大騷驕人身材，配搭名錶與名車，盡顯貴氣。而車中焦點之一，正是男友馬清鏗借出的法拉利Daytona SP3，全球僅限量600部，極具收藏價值，足見馬生對五索事業發展的全力支持，由全職媽媽華麗轉身成事業女性。

五索低溫泳衣上陣

當日五索由朝拍到晚玩足十六小時，可算落足心機泡製，更在攝氏12度低溫下着比堅尼泳衣在戶外取景，攰到斷電的她，被員工取笑：「動力，動力，我哋陪到你最後！」期間馬清鏗前來探班打氣，仲操刀攝影及航拍，直至凌晨二時多才收工的五索對做歌星初體驗感受難忘：「原來明星唔係一般人做嘅行業，我攰到連飯都食唔落！所以大家要對香港藝人保持尊重，佢哋承受嘅壓力真係好大。」她更笑言：「小朋友同我講話『韓國K POP啲明星好紅！』而家我可以同佢哋講『媽咪出過一隻歌都係明星！』」

↓立即下載星島頭條App↓