TVB台慶2025丨陳煒贏萬千星輝賀台慶巨獎 遊戲過程出現神秘之手？ 懶理小插曲：總之結果係我贏
發佈時間：14:31 2025-11-20 HKT
萬千星輝賀台慶2025／TVB台慶丨無綫年度壓軸盛事《萬千星輝賀台慶2025》，昨晚（11月19日）已經在將軍澳電視廣播城完滿落幕，在TVB台慶壓軸環節「終極大抽獎」的壓軸大獎50萬免找數簽賬額，最終由陳煒奪得，奬金將會與投了她票的23位藝員平分。
陳煒相信有份分錢
陳煒受訪時表示因想分散投資，所以投票給阿姐汪明荃，沒想到自己那麼幸運，她指該23人中有蔡國威、張文慈及訓練班的人，問到她是否也有份分錢？陳煒說：「我應該都有份掛，咁辛苦，我有份出力，但我相信有我份！」
相關閱讀：TVB台慶2025丨曾文心抱走幸運電車自爆「驚人真相」 拍《反黑英雄》上位獲頒全台力撐潛質女藝人
陳煒成功贏得終極大獎
今次台慶壓軸環節「終極大抽獎」的壓軸大獎50萬免找數簽賬額，大會以彈珠遊戲來決定得主，代表陳豪、黃翠如、汪明荃、高海寧、陳展鵬、譚俊彥、陳煒、姚子羚、張振朗及馬國明的十顆彈珠在跑道上競逐，最終由代表陳煒的紫色彈珠脫穎而出，成功贏得終極大獎。陳煒又謂今次是首次中台慶奬，提到她在紅地氈受訪時曾指想抽現金，現在真的開口中，她笑說：「早知我年年都咁講！」，問到計劃如何慶祝？陳煒說：「其實過兩日我都生日，既然咁Lucky就請朋友食飯，（係咪真係有錢？）我相信我有嘅，冇都請啦，最緊要大家開心！」陳煒指生日當日剛巧不用開工，故也會跟朋友食飯，笑指她今日戰衣是「勝利V」，問到衣着是否有玄機？陳煒笑指可能係，下次也揀回差不多款式。
彈珠遊戲發生了小插曲
不過這個彈珠遊戲發生了小插曲，原先係由陳展鵬的淺藍色波一馬當先，當曾志偉、鍾志光、朱凱婷、區永權等原先想宣布「淺藍色」得勝，卻收到指示要嚟多一場比拼，結果由陳煒的紫色波波勝出，與隊友們均分50萬，不少網民留言表示感到驚訝，有人說：「唔明點解要再碌多次？」、「點解頭先唔計？」甚至有人聲稱出現「神之手」並說：「拎起第一位粒藍波，再放返入去。」其後總經理曾志偉為事件解畫並稱現場出現溝通誤會：「其實排嗰陣時係兩輪嘅，後尾我哋覺得兩輪多得滯啦，不如一輪。但一輪嘅消息可能無傳達到FM聽，點知FM就猛叫『兩輪兩輪，快啲擺返上去』，但已經做咗啦，無可能走出嚟話唔係架。」曾志偉強調最緊要大家開心。對於抽奬時因技術問題出錯，陳煒說：「唔理啦，總之最後個結果就係我贏。」
相關閱讀：TVB台慶2025丨張振朗油漆潑林俊其嗌「王浩信」？ 高海寧轉身晒大露背有驚喜
