原來視咁的丨羅家英孖汪明荃不丹補拍婚照圓心願 興奮錫阿姐額頭
更新時間：14:45 2025-11-17 HKT
發佈時間：14:45 2025-11-17 HKT
發佈時間：14:45 2025-11-17 HKT
字體大小
汪明荃（阿姐）與羅家英（家英哥）全新綜藝節目《帶阿姐看世界》將由11月24日起，逢周一至五晚10點半翡翠台播映。2人早前出發往不丹拍攝節目，其中一站行程，是穿上不丹傳統民族裝拍攝婚紗照！穿上不丹傳統民族服的阿姐與家英哥，雖然相愛足足36年，但依然恍如初戀甜蜜，阿姐在埋位前為老公細心整理衣服、家英哥亦情不自禁親了阿姐額頭，又不時甜蜜對望，一切盡在不言中。
家英哥情不自禁親了阿姐額頭一下。
家英哥感激節目監製炮製「拍婚照」驚喜給他們。
家英哥向阿姐撒嬌要求「握手仔」。
阿姐與家英哥自2009年結婚後一直沒有拍過婚紗照，家英哥對這件事一直耿耿於懷，多年來也有想過飛去其他地方拍攝，想不到最後在《帶阿姐看世界》中夢想成真，家英哥笑言一切全是貼心節目監製炮製給他們的驚喜，家英哥難掩開心謂：「影結婚相我覺得都係要趁我哋仲後生、靚靚哋嘅時候影番張紀念吓嘅。嗰時有諗過不如去韓國影婚紗啦、西式啲啦，我有咁諗過吓，估唔到嚟到不丹突然間……可能我同製作組約略講過吓，咁佢就暗中安排咗。」
2人獲得當地大師加持。
阿姐細心地幫家英哥整理衫袖。
阿姐所穿的是不丹人大時大節着的傳統服飾。
家英哥向阿姐撒嬌
阿姐補充謂：「因為我哋嗰時喺美國結婚，冇着到傳統婚紗/裙褂，佢（家英哥）就成日話我哋幾時影番輯結婚相。但（今次）我都未同佢講實嘅，因為我要嚟到呢度先知啱唔啱，最後估唔到我哋會着上不丹嘅傳統服裝，仲要有大師祝福，又有好多村民同我哋跳舞慶祝，都幾難忘，佢哋煮啲嘢都好好食。」家英哥聽畢在旁開心說：「有大師加持我哋嘅婚姻，等我哋白首和諧。跟住佢哋召集咗7、8個村婦女代表，佢哋着到好靚咁歡迎我哋，唱歌畀我哋聽，又邀請我哋一齊跳土風舞。」訪問尾聲，家英哥突然開心又感慨地表示：「我就還咗個心願嚟喇係咪呀？」說畢還突然向阿姐撒嬌要求「握手仔」；阿姐雖然怕醜唔知點反應好，但亦算是第一時間伸手回應老公，並「係係係」與家英哥不斷握手，相當搞笑。
最Hit
