黃宗澤未想過憑《新聞女王2》爭視帝 避談片酬：Man姐最高 高海寧否認驚恐症復發
發佈時間：21:45 2025-11-16 HKT
黃宗澤、高海寧、陳曉華、王敏奕及蔣祖曼等今日（16日）到荃灣出席《新聞女王2》宣傳活動，活動開始前呂喬恩更唱出片尾曲《Crystal Clear》，會上亦宣布該劇在內地多個劇集榜冠軍，在內地網上評分7.9分，話題播放量19.5億，而劇集播放量則是2.5億，更成為全網港劇招商冠軍。被喻為「廣告之神」的黃宗澤今日更出動私伙手袋現身，雖然有指他斷崖式暴瘦，但現場所見，他的身形跟以前分別不大。
出動私伙古董手袋
黃宗澤與高海寧一起受訪，對於劇中造型被指突出，黃宗澤坦言拍時也出動私伙古董手袋及太陽眼鏡，又解釋拍時沒理由兩手揈揈：「我同監製講我有個手袋睇下啱唔啱，當武器又好裝飾又好，佢話OK，個袋夠大。」他指自己好喜歡古董的物品，不過問到多少錢，他即笑指「唔好提」，又指今次是入行後首次為一個角色試那麼多造型，故也要多謝服裝部：「第一次試身時，監製嫌唔夠囂張，除咗西裝，襪、袋巾、領帶都要襯晒色，連襪都要場場換。」至於被指濾鏡過大，演員們全部沒皺紋，他就認為這不是自己的專業，故不懂回應，而高海寧就大讚劇組打燈靚。'
「飲奶樣」夠晒賤
被網民封為「廣告之神」的黃宗澤因在劇中不時飲奶賣廣告，他笑說：「我飲奶個衰樣夠賤，唔使講嘢，飲住奶就好似串緊你，仲幫助咗演戲，都幾好。（出街畀人打未？）未，但同我講你真係好衰。」高海寧就指好彩角色由他飾演，否則一早被打。問到是否有信心憑角色爭視帝？他坦言沒想過，坦言獎項不是最重要，觀眾反應更為重要。而高海寜就表示對黃宗澤有信心，讚他在拍攝時非常投入，感受到他對角色的熱愛，黃宗澤即自爆有場戲曾多次NG：「事後高Ling問我發生咩事，因為我好少咁，其實我嗰日人有三急，仲係大急，但嗰個地方唔方便去廁所，所以要忍住，啲力量去咗第二度，但又要串佢同阿佘。」至於有傳他與高海寧在《新聞女王2》的酬勞是50萬及35萬，高海寧指自己是計騷錢，黃宗澤則避談說：「Man姐（佘詩曼）最高，其他唔好問。」
高海寧覺得「女女CP」好正
高海寧指拍此劇學懂職場文化，自言以前較佛系，現時就會有上進心，至於TVB是否也有職場文化？她直言每間公司都有，問到學到什麼招數坐上一姐之位？她即化身「新聞主任」說：「唔關事，最重要係有自己嘅價值，俾心機去做好角色同工作，仲要收斂鋒芒，喺適當嘅時候出手！」提到佘詩曼和蔣祖曼被熱捧成「女女CP」問她是否呷醋？她即坦言覺得這對CP好正：「Man姐（佘詩曼）好勁，有兩個男CP，依家又有個女CP。」
休息不夠而有濕疹
此外，對於近日她在社交網中貼出中、西藥相，高海寧解釋是因濕疹復發關係，故要中西藥雙管齊下：「我日日開工，唔可以爛面。（大家擔心你驚恐症復發？）唔會咁易復發，只係休息唔夠所以有濕疹啫！」而她亦提到因在街上着拖鞋被指精神異常，她解䆁自己只是因貪方便和舒服，故才在拍攝前着拖鞋，又笑說：「因為唔想着高踭鞋，跟住話我精神異常，下次要買對靚拖鞋。」她指拍完《新聞女王》之後發覺傳媒責任好大，故不想報道的標題令粉絲擔心。
