「Jacky仔」王樹熹淡出幕前多年現況曝光 移居日本轉行從事一行業 親解告別演藝圈之謎
發佈時間：10:00 2025-11-17 HKT
全職港隊劍擊運動員、TVB童星出身的吳諾弘（Lawrence）早年開辦YouTube頻道「NG LOK WANG LAWRENCE 吳諾弘」，邀請昔日的童星好友暢談往事。吳諾弘早前大玩快閃，坐凌晨機千里迢迢飛抵日本，只為與定居當地的王樹熹（Jacky 仔）來一場深度對談，揭開這位昔日螢幕熟面孔的神秘近況。
吳諾弘和王樹熹一見面話題不絕
吳諾弘和王樹熹一見面話題不絕：「細個已經有人話我哋好似，成日將我哋撈亂，所以我上次打奧運，跟住之後，有啲人喺下面留言話：『嘩，Jacky仔去咗奧運咩？』跟住之後，後面啲人就話：「嗰個唔係Jacky仔，嗰個係 Lawrence 啊！」王樹熹笑稱有兩人從小已經被人指「撞樣」。
相關閱讀：《宮心計》兩大童星相隔17年激罕同框 「小三好」撞樣顏卓靈 拆解6位數拍電影謎團
王樹熹淡出幕前後與昔日童星沒有聯絡
王樹熹自淡出幕前後，與昔日童星好友「一個都無」聯絡，甚至連普通演員朋友也沒有，已完全離開演藝圈。吳諾弘問19年是否曾返TVB拍劇？王樹熹說：「有，拍過一陣。咁我有記得嗰個導演，個導演又搵我：『不如返嚟拍下？』跟住我又咁啱，其實啱啱畢業，我覺得，不如再試下拍下嘢啦，（點解唔繼續？）我覺得始終喺現實啲咁諗，拍戲其實都唔係一個好穩定嘅一個工作，同埋始終睇返，我又無特別一定要拍戲，咁我覺得不如試下自己鍾意嘅嘢。我又之前喺日本留過學一陣。」王樹熹曾於日本早稻田大學留學，畢業後在當地從事 PR（公關）工作，屬於「幕後」人員。王樹熹強調現在的生活模式讓他更「enjoy」，並未對當年童星身份帶來的「既定印象」感到負面，反而認為其在待人處事與溝通方面有所助益。他更幽默表示，現在的童星要面對的網絡評論壓力，比他們當年「無咁發達」的年代大得多，現時的「公眾人物」必須承受更多。
吳諾弘王樹熹合體掀「回憶殺」
兩人在節目中也分享了許多「回憶殺」。王樹熹最難忘的童星經歷是當年與影帝劉青雲合作電影《童夢奇緣》；而與吳弘諾共同參演的劇集《當狗愛上貓》也讓他印象深刻，尤其回憶起當年有位叫「貝貝」的小演員。吳弘諾聽聞後，更立即向鏡頭呼籲，如果「貝貝」看到這段影片，務必透過 Instagram 聯絡他，希望能邀請她「重聚」。影片播出後，不少人留言覺得「太短」，吳弘諾亦有解釋：「見到好多觀眾都留言話今次片長太短，喺呢度一次過答覆大家，正如Jacky片入面提到，大家嘅時間都好難夾，我哋當日只係得一個小時左右進行拍攝，基本上一見面就即刻埋位，時間不足令到素材有限。暫時Channel嘅片都係10分鐘為主，感覺上最容易令觀眾消化。加上始終我正職係運動員，拍一條太長嘅片負擔有啲太大。重點：請人剪片要錢，價錢係根據大約片長去計（我冇咁多錢hahah）。 總括嚟講，而家嘅形式對我嚟講係最可以平衡到職業同興趣，我好enjoy咁樣嘅生活，Btw求吓大家唔好淨係comment『太短』，希望可以加返『片長』二字，避免誤會大家話我其他嘢短！（好敏感）。」
相關閱讀：前TVB童星「Jacky仔」王樹熹26歲生日再進化 似足日系偶像 出Po證仍心繫娛樂圈
