東張西望丨假暖男靠甜言蜜語攻陷寂寞的心 女事主拒絕落叠慘被喪鬧連狗不如 男事主幸保不失揭「惡魔」真面目
發佈時間：21:36 2025-10-25 HKT
TVB資訊節目《東張西望》早前曾有報道有公司以集團式經營，派出假暖男、美女借拍拖為名，騙人做美容抽佣為實。報道播出後引起熱烈迴響，今晚（25日）的一集繼續有受害人申訴，指控上一次的主角假暖男Samson又再動，「男又呃女又呃！」有女事主Cody指被情緒勒索並直斥：「佢開頭係暖男嘅典犯，去到而家係狼心狗肺、癡線。」
女事主Cody指被情緒勒索
男事主David還表示：「我冇諗過佢為咗達到目標而去呃人，男又呃、女又呃，而家終於人出嚟揭發佢所做嘅嘢，我覺得都係佢咎由自取。」女事主Cody明言：「如果鍾意肌肉男係會落叠，佢介紹自己有樓有車，仲有收租同養狗，我見到佢嘅𧠒毛介紹，咪DM佢，交換咗IG同聯絡方法。」
相關閱讀：東張西望丨57歲婦人墮情網搞到破產 極其在意AI騙徒「偷食」：一個女子在房間跟他尋歡作樂
女事主Cody被Samson甜言蜜語所迷
女事主Cody稱主動聯絡Samson，當時兩人傾談了一段時間後，被對方的甜言蜜語所迷：「佢話喺工作辛苦唔緊要，收工message佢就得，佢會隨時回覆，放工之後又可以隨時搵佢，佢會喺我背後支持我，聽到呢啲說話係窩心。」Cody坦言一個月後對Samson心動。男事主David則在2023年底在同性交友app認識Samson，最初對佢嘅印象都很好：「佢好關心人，事業好成功，畀我感覺係好陽光同正面，好想同佢傾多啲。」Samson對男與女都用同一招數，David與他傾談大約三星期便開始約會，首次見面傾足三小時，David說：「事後覺得佢係透過一啲平常嘅對話了解一個人，方便佢日後做嘢。」
Samson被拒絕後露出狐狸尾巴
同樣Samson很快約Cody食飯，但由Cody負責找數：「第一次出嚟話冇帶銀包，第二次出嚟就話銀包唔夠錢，兩次都係我畀佢，我本來話可以轉數畀返我，但係佢話請我食飯好似有啲誠意。」Cody當時被戀愛腦的蒙蔽，忽視了這一點，而且更互相坦露心事，令雙方關係變得更密切：「我同佢話我嘅感情創傷嚟自一個女記者，佢就好激動話同我嘅遭遇好似，嗰陣我差啲攬住咗佢。」Samson很快露出狐狸尾巴，約Cody去做美容療程，經過多次被拒絕後，Samson終於喪鬧Cody：「你呢種抗拒程度，好似令我覺得好似叫你去死，我好似比死更難受。」Cody還稱被對方直斥「我養隻狗畀你仲忠誠」。David反而去美容院，做完一個免費的皮膚療程後，拒絕買其他療程，結果又被Samson喪鬧，甚至要對方給飯錢，否則報警，David未有理會，最後索性封鎖對方。
