东张西望丨假暖男靠甜言蜜语攻陷寂寞的心 女事主拒绝落叠惨被丧闹连狗不如 男事主幸保不失揭「恶魔」真面目
发布时间：21:36 2025-10-25 HKT
TVB资讯节目《东张西望》早前曾有报道有公司以集团式经营，派出假暖男、美女借拍拖为名，骗人做美容抽佣为实。报道播出后引起热烈回响，今晚（25日）的一集继续有受害人申诉，指控上一次的主角假暖男Samson又再动，「男又呃女又呃！」有女事主Cody指被情绪勒索并直斥：「佢开头系暖男嘅典犯，去到而家系狼心狗肺、痴线。」
女事主Cody指被情绪勒索
男事主David还表示：「我冇谂过佢为咗达到目标而去呃人，男又呃、女又呃，而家终于人出嚟揭发佢所做嘅嘢，我觉得都系佢咎由自取。」女事主Cody明言：「如果钟意肌肉男系会落叠，佢介绍自己有楼有车，仲有收租同养狗，我见到佢嘅𧠒毛介绍，咪DM佢，交换咗IG同联络方法。」
相关阅读：东张西望丨57岁妇人堕情网搞到破产 极其在意AI骗徒「偷食」：一个女子在房间跟他寻欢作乐
女事主Cody被Samson甜言蜜语所迷
女事主Cody称主动联络Samson，当时两人倾谈了一段时间后，被对方的甜言蜜语所迷：「佢话喺工作辛苦唔紧要，收工message佢就得，佢会随时回复，放工之后又可以随时揾佢，佢会喺我背后支持我，听到呢啲说话系窝心。」Cody坦言一个月后对Samson心动。男事主David则在2023年底在同性交友app认识Samson，最初对佢嘅印象都很好：「佢好关心人，事业好成功，畀我感觉系好阳光同正面，好想同佢倾多啲。」Samson对男与女都用同一招数，David与他倾谈大约三星期便开始约会，首次见面倾足三小时，David说：「事后觉得佢系透过一啲平常嘅对话了解一个人，方便佢日后做嘢。」
Samson被拒绝后露出狐狸尾巴
同样Samson很快约Cody食饭，但由Cody负责找数：「第一次出嚟话冇带银包，第二次出嚟就话银包唔够钱，两次都系我畀佢，我本来话可以转数畀返我，但系佢话请我食饭好似有啲诚意。」Cody当时被恋爱脑的蒙蔽，忽视了这一点，而且更互相坦露心事，令双方关系变得更密切：「我同佢话我嘅感情创伤嚟自一个女记者，佢就好激动话同我嘅遭遇好似，𠮶阵我差啲揽住咗佢。」Samson很快露出狐狸尾巴，约Cody去做美容疗程，经过多次被拒绝后，Samson终于丧闹Cody：「你呢种抗拒程度，好似令我觉得好似叫你去死，我好似比死更难受。」Cody还称被对方直斥「我养只狗畀你仲忠诚」。David反而去美容院，做完一个免费的皮肤疗程后，拒绝买其他疗程，结果又被Samson丧闹，甚至要对方给饭钱，否则报警，David未有理会，最后索性封锁对方。
