許廷鏗回應欣宜缺席球賽之謎 慶「自許紀錄」四周年跟Jer聯手打造美食圖鑑
發佈時間：17:15 2025-10-21 HKT
許廷鏗（Alfred）為慶祝其創立的唱片公司「自許紀錄」邁向四周年，精心策劃了一系列多元化紀念活動。其中「許廷鏗教你打Pickleball（匹克球）」特別增設「明星邀請賽」，邀請了梁業（肥仔）@ERROR、釗峰、黃淑蔓、強尼、陳安立（Brian）、葛綽瑤（Yoyo）、Sam@世界認真組織等一眾星級好友參與。眾人自備球拍，打得有模有樣。Alfred不僅親自落場，還擔任解說，，與歌迷共度難忘的一天。他特別點評肥仔：「肥仔打得幾好，身手靈活、彈跳力強，跑步能力高過我，加上佢重心低，好多回球都變成殺球，呢個係佢嘅優勢！」對於好友鄭欣宜未見現身，Alfred解釋：「欣宜都喜歡運動，但較少見佢參與球拍類運動，之前我打羽毛球比較多，都冇見佢嚟。」Alfred感覺匹克球愈來愈受歡迎，未來有意舉辦更大型賽事，積極推廣這項有益身心的新興運動。
另一四周年重點項目，是Alfred與好友柳應廷（Jer）@MIRROR聯手打造的美食獻禮「根·緣·紀錄」。Alfred透露：「我和Jer係因食結緣，某程度上，唔喜歡食嘅人，唔會同我非常傾得嚟，所以我啲好朋友仲有肥仔、欣宜！既然我哋都鍾愛美食，不如結合音樂與飲食辦一場盛宴。」活動將提供指定餐單，部分菜式由Alfred親自烹調，包括其YouTube頻道「鏗gry廚房」中的「傳說菜式」滷肉飯，同時也會與他們心儀的餐廳合作，如同製作一本「美食圖鑑」，向粉絲推介特色小店。
這場期間限定的「根·緣·紀錄」將於本週六、日（25、26日）在Jer經營的「根」（Root Cafe）舉行。Alfred笑言飲食之餘不忘正職：「好多人問我哋會唔會有音樂合作，或許將來會一齊做歌、開演唱會。Jer即將開演唱會，我想畀佢動力，承諾一齊減到某個磅數，佢都話好！」
此外，Alfred的全新單曲《大空翼》已正式上架，專輯也在籌備中。成立唱片公司初期，Alfred鞭策自己必須一年一碟，又一定要開show，盤點四年業績，公司錄得盈利，也獲取不少重要獎項，他感慨道：「起初開公司冇諗得咁多，𠵱家逐漸發展多元化，挖掘唔同可能性，踏入四周年，我都想畀個『叻』自己！希望繼續努力下去，睇下十周年又會有乜新搞作！」
