「最強小三」五索與裕美為錢反面？自認心腸惡毒爆決裂真相：我為咗錢乜都做得出

更新時間：23:00 2025-10-01 HKT
發佈時間：23:00 2025-10-01 HKT

35歲「五索」鍾睿心（Rachel）在今年初被揭與已婚大生銀行主席馬清鏗育有四子女，被視為「最強小三」，一夜成名。五索未出名前，經常與好姊妹裕美和林作合作，拍片放到社交網，卻在名氣越來越大後，有傳五索與裕美反目。近日五索拍片揭開與裕美反面真相，自認：「為咗錢呢我乜嘢都做得出㗎！」

五索曝光馬生視像放閃

五索自變得高調後，經常分享與馬生的生活事，近日去日本玩，更公開與馬生視像的過程，隔空放閃。五索早前又透露教扮靚兼推銷產品，成功在逆市下擴張，開設美容網購公司吸金，但剪綵當日好姊妹裕美未見到賀。

五索在近日的影片提起裕美：「我同裕美反咗面喇！網上瘋傳我因為呢包骨膠原粉一嘢飛起美美，搶咗佢個代理權，借佢上位，信嘅喺下面留言，唔信嘅都講聲喎。不過我心腸惡毒，為咗錢呢我乜嘢都做得出㗎。所以呢係我做都唔出奇囉。」

五索指最近有關她的報道較正面，令她好頭痛：「我唔鍾意囉，我鍾意負面新聞，唔鍾意正面新聞，寫得我太好紅唔到㗎。」網民不信二人反面外，更有人懷念五索與裕美以前一齊拍片的日子。事實上，五索在今年7月曾為裕美慶祝生日，更冒住中暑危險穿上玩偶裝搞驚喜，可見二人感情極好。

↓立即下載星島頭條App↓

最Hit

2025-10-01 10:00 HKT

6小時前

4小時前

5小時前

2025-10-01 12:37 HKT

2025-10-01 01:53 HKT

8小時前

2025-10-01 15:45 HKT

2025-10-01 17:18 HKT

7小時前