女神配對計劃｜林盛斌當頭棒喝一女神沉迷以往關係：散晒啦係咪呀 葉蒨文GM交往有大問題？
發佈時間：23:00 2025-09-28 HKT
TVB戀愛真人騷《女神配對計劃》已圓滿結束，葉蒨文（Sophie）、梁敏巧（Maggie）、關嘉敏（Carman）、羅毓儀（Yuki）及李芷晴 （Stephanie）都各有選擇，其中「國民CP」葉蒨文和曾展望（GM） 日前就齊齊睇周興哲演唱會，而於節目中揀選和劉啟進（Matt）繼續發展的梁敏巧，雖然跟對方還未正式拍拖，不過二人頻頻於IG互動，相信發展應該頗為神速。今晚TVB推出《女神配對計劃 金牌媒人的最後晚餐》，5位女神跟Bob林盛斌再次聚首，回味節目中的甜酸苦辣，再一次訴說內心的感受。
林盛斌當頭棒喝李芷晴
李芷晴於節目中，因為表示自己未準備好，所以決定拒絕求愛勇者Jacob，林盛斌直接問她「究竟依家係點㗎啫」，李芷晴就指其實Jacob是個慢熱的人，不擅表達自己，於節目鏡頭前鏡頭後，雖然大家都有傾偈，但Jacob的追求力度卻不夠，李芷晴甚至表示「其實我唔係好知佢係咪鍾意我」。李芷晴覺得對方未夠主動，Bob就直接問「你以前啲男朋友係咪都係好主動？」，李芷晴答「係」，Bob立即表示「咁依家咪又係散晒」，直言李芷晴需要長大，並指戀愛好多時都是賭一鋪，沒有任何事情可以保證。
相關閱讀：
葉蒨文曾展望要解決一問題
而葉蒨文就表示，曾展望於大結局中3次對她說「我愛你」，她當時亦好想講「我愛你」，但她實在不想在大眾面前這樣表現，故此現時要補回這3個字。她表示自己不介意和對方一同成長，但對方必須以結婚為大前提，方可以開始拍拖。其實葉蒨文好想生小朋友，但因為曾展望年紀比較細，故此對此會有擔心。李芷晴就指葉蒨文要和對方說出心中的想法：「好多人都話男人唔使咁快結婚，可能佢同其他人唔同呢？」，葉蒨文就流露出若有所思的表情，似乎生小朋友，將會成為葉蒨文和曾展望，必須深入了解和解決的一個問題。
關嘉敏指Matthew未能「共情」
關嘉敏就更進一步，表示為何冇揀Matthew：「我覺得佢所有嘢都係幾好，但我有時同佢溝通，好似同緊AI 溝通咁，好唔人性。」關嘉敏覺得對方似乎未能跟她共情，她表示「我真係唔得，我唔可以同一個唔了解我嘅人喺埋一齊」。
相關閱讀：
