方力申女兒「曝光」超活躍！太太將入住豪華山景房生b 奢華靚房有大玻璃採光度極高
發佈時間：18:00 2025-09-24 HKT
方力申在今年情人節宣布與拍拖兩年多的女友葉萱（Maple）結婚，到了父親節宣布「我將要做爸爸了」，女兒預計今年年底出世，方力申將會陪太太入產房生B：「我驚血，細個嗰陣試過見血暈倒，不過我唔入去產房陪佢就死梗。」
方力申陪太太產檢為自己綵排
隨着太太的預產期臨近，方力申今日（24日）在IG貼上一段短片，透露日前陪太太到醫院進行胎兒結構性超聲波檢查時，順道參觀醫院的產房和病房，期間竟然為自己綵排一件事，搞到醫護人員啼笑皆非。
相關閱讀：方力申首爆父母得知老婆入過邪教反應 方母一句話搞喊葉萱 小方：如釋重負
方力申期待女兒出世
即將榮升做爸爸方力申，今日在IG貼上陪太太進行產檢的短片並說：「日前我同太太去港怡醫院照BB嘅結構，好感恩，舒醫生話BB一切正常。由於之後太太都想喺港怡醫院呢度生BB（想順產），護士就好好咁帶我哋上樓參觀房間同產房，聽完佢哋細心講解『生產』過程後，本來心情好平靜嘅我，依家開始有少少緊張，咪住先，呢啲唔係緊張，係興奮先啱，要開始準備做爸爸喇。」片中所見，方力申在太太進行胎兒結構性超聲波檢查時，已經對女兒讚不絕口：「佢嘅脊骨靚過我呀。」看到女兒的活躍程度，方力申表示「既興奮又好期待。」
方力申為肌膚之親與老婆爭寵
接着方力申又到產房和病房參觀，聽到醫護人員說：「媽媽生完BB後，我哋會安排媽媽同BB先做肌膚接觸。」方力申立即搶着說：「冇爸爸架？（可以，不過畀媽媽先。）」後來看到病床有一張凳，方力申笑說：「嗰張凳係畀爸爸？如果我暈血咁點算？（咁你坐低先唔好郁）咁我綵排下先，我呢邊畀佢鍊住，畀佢鍊到流血都冇人理。」有 不少人教路：「你要開始執定走佬袋放屋企 ，你上youtube 睇下啲生仔過程，睇多幾次就唔暈血㗎啦。」、「期待偶像嘅BB女出世。」、「期待期待，祝一切順利。」朱薰亦有留：「係咪緊張過出去比賽？」
相關閱讀：方力申奪先進世錦賽金牌！ 爸爸方毓仁為畫廊老闆 住5千萬豪宅身家過億 擁逾百件珍藏家底豐厚
