梁敏巧神助攻Matthew黃家俊「見家長」 關嘉敏爸爸流晒口水？ 細節證對年薪200萬才俊印象佳
發佈時間：20:00 2025-09-19 HKT
《女神配對計劃》早前播出大結局，女神關嘉敏於節目中（Carman）決定保持單身，拒愛「求愛勇者」黃家俊（Matthew），含淚告別節目令觀眾大感可惜，網民都給予關嘉敏鍾情的「細John」姜卓文負評，希望關嘉敏跟黃家俊開花結果。早前《東周刊》爆關嘉敏和Matthew於節目後保持聯絡，更相約一起放狗，二人仍認正在了解中。昨日（18日）更在梁敏巧「神助攻」下，Matthew首次見到關嘉敏爸爸於網上「見家長」，關爸爸第一次見到Matthew的反應即時曝光，似乎對這位年薪200萬iBanker富二代印象不錯。
關嘉敏爸爸認為Matthew外型「還可以」
Matthew和關嘉敏早前於節目慶功宴中有親密互動，Matthew更眾目睽睽錫了女神面珠一啖，令在場人士瘋狂起哄，到昨晚梁敏巧再次在IG開Live，除了邀請劉啟進（Matt）外，更邀關嘉敏加入，連關嘉敏的爸爸亦同時入鏡。關爸爸十分後生又健談，不時催促梁敏巧和Matt快點拍拖，梁敏巧之後作出反擊，問關爸爸有否看《東周刊》關於女兒和Matthew相約放狗的報道。關爸爸表示，從電視中見到Matthew，覺得外型還可以，關嘉敏即表示「咁高要求？要睇樣㗎咩」，之後關爸爸指Matthew「都唔錯」，並指女兒「開心就可以」。
相關閱讀：姜卓文被鬧爆辜負關嘉敏 大爆拒愛原因竟關節目拍法事？直認低估節目：冇諗過咁爆
關嘉敏爸爸主動邀請Matthew做節
之後梁敏巧成功邀得Matthew加入直播，當時關爸爸已離開鏡頭，梁敏巧立即大叫「Uncle返嚟」，關嘉敏怕醜到掩嘴。Matthew向住鏡頭講「Hello」，Mat就話「Hello咩呀」 ，Matthew立即緊張地向關爸爸打招呼，雖然仍有笑容，但就「成個硬晒軚」非常緊張，Matt亦取笑兄弟說「Matthew平時好多嘢講，做咩唔出聲」。主動邀請Matthew、梁敏巧和Matt在中秋節到家中做節食飯，梁敏巧與Matt叫好，Carman就表示「但我到時唔喺屋企」。
Matthew黃家俊任iBanker年薪200萬
關爸爸對Matthew似乎不錯，而其背景亦甚猛料。36歲的Matthew家中經營裝修及冷氣工程等家族生意，他在2011年取得澳洲墨爾本蒙納士大學（Monash University）商學士學位，主修會計、銀行及金融。畢業後Matthew加入德勤關黃陳方會計師行，任職核數師，之後亦轉職其他金融公司。到2019年轉投豐盛融資有限公司旗下，Matthew現於公司任職高級管理職位，擔任「Team Head – Investment Banking」一職，有指他年薪逾200萬。Matthew收入極高，生活亦甚有品味，曾在社交平台分享與DUCATI重型機車及黑色跑車的合照。而Matthew曾有不同國籍的女友，關嘉敏早前也曾大感興趣。
相關閱讀：《女神配對計劃》李芷晴拒愛遭網民出言侮辱狂轟「拜金收兵」 親自回覆評論神逆轉
