前《愛回家》男星驚爆曾與金像影后同居：佢未做「雞」之前好霉被星媽視如親生子疼愛

更新時間：09:00 2025-09-20 HKT
發佈時間：09:00 2025-09-20 HKT

曾出演《愛·回家之開心速遞》的資深填詞人黎彼得，近日於YouTube節目《玖噏秘笈》中，驚爆一段與影后吳君如的陳年往事。他透露，年輕時曾短暫與吳君如同居，當時吳君如的媽媽「冬嬸」更待他如親生子般疼愛。

吳君如拍《金雞》前好霉？

黎彼得憶述往事，起初沒有開名，但他的形容足以令大家猜出他所指的是金像影后吳君如。他說：「我識佢嗰陣，佢17歲，仲係未成年少女。佢未做『雞』之前，好霉，喺ETY做埋晒一啲醜女、又挖鼻屎、捽香港腳，全部都唔掂。點知畀佢一個機會，喺電影畀做咗『雞』，咩『雞』？『金雞』。」黎彼得表示，介紹他認識吳君如的人是黎小田。

黎彼得公開與吳君如同居往事

黎彼得分享，他與吳君如曾經同居一周，他說：「我同佢（吳君如）點解會結緣嘅呢？就唔係男女關係嘅緣份。」他解釋，吳君如當年因被狗仔隊追訪，為了躲避媒體，曾到他家借住一星期，他更曾向記者炫耀：「影后嚟過我屋企呀，我好威水。」他續指，由於他與吳君如的父親「冬叔」夏春秋是多年好友兼同事，兩人當年同在電視台工作，這層關係讓吳君如的父母對他非常信任。