方力申首爆父母得知老婆入過邪教反應 方母一句話搞喊葉萱 小方：如釋重負
發佈時間：14:11 2025-09-19 HKT
「億萬筍盤」方力申在今年情人節宣布與拍拖兩年多的女友葉萱（Maple）結婚，到了父親節宣布「我將要做爸爸了」，女兒預計今年年底出世，方力申將會陪太太入產房生B。方力申在2023年與公開葉萱戀情後，女友被爆出是韓國攝理教教主鄭明析性侵事件其中一位受害人，當時方力申高調護愛，直言比大家遠知道的更多。
方力申太太生活比較簡單
方力申日前接受資深傳媒人查小欣的訪問，在節目上，談及太太捲入邪教事件勇敢發聲，方力申坦言拍拖一段日子後才跟父母交代，想不到家人反應令方力申如釋重負，他又坦言愛太太生活比較簡單：「當然佢天真樂觀嘅性格，都係好吸引我！
相關閱讀：方力申宣布老婆葉萱懷孕 4個月前結婚曾強調非雙喜臨門 趁父親節報喜：我將要做爸爸了
方力申媽咪得悉邪教事件反應
近日方力申接受查小欣的YouTube節目訪問，對於當日公開戀情後，葉萱被爆出是韓國攝理教教主鄭明析性侵事件其中一位受害人，方力申稱拍拖前夕已得知事件：「佢同我講咗，我哋先了解再一齊，拍拖之後係有見過屋企人，但係冇講過呢件事，到咗適當時候，就同屋企人講，我媽咪好支持佢，可能佢哋都係白羊座，敢愛敢恨，覺得做得啱，需要發聲就應該講，當時嘅畫面我都有拍低，媽咪攬住Maple話：『無論你將來同我個仔得定係唔得，我都當你係我個女！』我聽到媽咪咁錫自己嘅女朋友，第一係如釋重負，第二覺得好窩心！我老竇都係非常愛佢，唔好話而家大肚，譬如一家人食飯，我問阿爸想食乜嘢，佢話：『你唔好問我，你問Maple食乜嘢！』我哋嘅關係好融洽，係以佢為主，而家結咗婚，暫時都係同我爹哋媽咪一齊住！」
方力申在節目上激讚太太
方力申在節目上激讚太太：「我覺得佢同我識嘅人好唔同，試過歐洲旅行，喼中喼去諗住買嘢，但係返嚟乜都冇買過，佢唔係好需要呢啲，食嘢又係好貼地，同我一樣生活比較簡單，當然佢天真樂觀嘅性格，都係好吸引我！」方力申又稱結婚後感情更加成熟：「大家的目標都要一致，無論我哋有乜嘢問題 ，到最終都唔會分開，所以一定要好好解決。我太太好簡單，佢希望我做少啲嘢，可以多啲時間陪佢，唔希望我因為要搵錢而離開屋企，尤其係生BB時候，最後我應承佢，我而家嘅座右銘係HAPPY WIFE HAPPY LIFE。」
相關閱讀：方力申老婆葉萱再拍Netflix《以倖存者之名：深入韓國慘案》結婚畫面公開 網民指紀錄片變戀綜
自認遲婚的方力申希望有小朋友
自認遲婚的方力申一直都希望有小朋友，再加上爹哋媽咪的年紀都不小，很希望兩老可以享兒孫福，結果因為一個機會出現，方力申當刻好好把握：「咁啱我要去拉斯維加斯做活動，好方便（註冊結婚），阿媽就話不如結埋婚，嗰陣我諗我哋拍拖二年，溝通同相處都好好，咁就開始去組織。我有個好好嘅朋友喺嗰邊幫我預訂一系列嘅嘢，租咗架飛機掛住『Will You Marry Me』，有埋我哋張相，但係我唔怕畀人知，大家以為好貴，但其實只係五位數字，搞生日都建議你玩吓！」萬事俱備，期間卻發生連串蝦碌，令方力申滴汗再滴汗，他笑着憶述：「第一個笑話，飛機比原定遲咗四十五分鐘先嚟，我一路喺海灘拖延時間，結果捱到飛機嚟，我就求婚啦，換衫嘅時候，證婚人嚟咗再多個驚喜，簽埋紙，求婚加結婚一次過進行！」不過在求婚前夕，方力申笑稱險被媽媽穿煲「Maple臨時臨急話唔去拉斯維加斯，我阿媽就打開口牌：『你去啦，佢（小方）可能會同你求婚！』跟住太太問我，我話冇可能，一定唔會！當離開拉斯維加斯，佢就覺得唔會，因為大家以為拉斯維加斯最容易結婚，但原來洛杉磯都得，佢以為冇咗呢件事，去到真係求婚嗰一刻，佢都愕然，再結婚簽紙就更加愕然！」
