方力申首爆父母得知老婆入过邪教反应 方母一句话搞喊叶萱 小方：如释重负
发布时间：14:11 2025-09-19 HKT
「亿万笋盘」方力申在今年情人节宣布与拍拖两年多的女友叶萱（Maple）结婚，到了父亲节宣布「我将要做爸爸了」，女儿预计今年年底出世，方力申将会陪太太入产房生B。方力申在2023年与公开叶萱恋情后，女友被爆出是韩国摄理教教主郑明析性侵事件其中一位受害人，当时方力申高调护爱，直言比大家远知道的更多。
方力申太太生活比较简单
方力申日前接受资深传媒人查小欣的访问，在节目上，谈及太太卷入邪教事件勇敢发声，方力申坦言拍拖一段日子后才跟父母交代，想不到家人反应令方力申如释重负，他又坦言爱太太生活比较简单：「当然佢天真乐观嘅性格，都系好吸引我！
相关阅读：方力申宣布老婆叶萱怀孕 4个月前结婚曾强调非双喜临门 趁父亲节报喜：我将要做爸爸了
方力申妈咪得悉邪教事件反应
近日方力申接受查小欣的YouTube节目访问，对于当日公开恋情后，叶萱被爆出是韩国摄理教教主郑明析性侵事件其中一位受害人，方力申称拍拖前夕已得知事件：「佢同我讲咗，我哋先了解再一齐，拍拖之后系有见过屋企人，但系冇讲过呢件事，到咗适当时候，就同屋企人讲，我妈咪好支持佢，可能佢哋都系白羊座，敢爱敢恨，觉得做得啱，需要发声就应该讲，当时嘅画面我都有拍低，妈咪揽住Maple话：『无论你将来同我个仔得定系唔得，我都当你系我个女！』我听到妈咪咁锡自己嘅女朋友，第一系如释重负，第二觉得好窝心！我老窦都系非常爱佢，唔好话而家大肚，譬如一家人食饭，我问阿爸想食乜嘢，佢话：『你唔好问我，你问Maple食乜嘢！』我哋嘅关系好融洽，系以佢为主，而家结咗婚，暂时都系同我爹哋妈咪一齐住！」
方力申在节目上激赞太太
方力申在节目上激赞太太：「我觉得佢同我识嘅人好唔同，试过欧洲旅行，喼中喼去谂住买嘢，但系返嚟乜都冇买过，佢唔系好需要呢啲，食嘢又系好贴地，同我一样生活比较简单，当然佢天真乐观嘅性格，都系好吸引我！」方力申又称结婚后感情更加成熟：「大家的目标都要一致，无论我哋有乜嘢问题 ，到最终都唔会分开，所以一定要好好解决。我太太好简单，佢希望我做少啲嘢，可以多啲时间陪佢，唔希望我因为要揾钱而离开屋企，尤其系生BB时候，最后我应承佢，我而家嘅座右铭系HAPPY WIFE HAPPY LIFE。」
相关阅读：方力申老婆叶萱再拍Netflix《以幸存者之名：深入韩国惨案》结婚画面公开 网民指纪录片变恋综
自认迟婚的方力申希望有小朋友
自认迟婚的方力申一直都希望有小朋友，再加上爹哋妈咪的年纪都不小，很希望两老可以享儿孙福，结果因为一个机会出现，方力申当刻好好把握：「咁啱我要去拉斯维加斯做活动，好方便（注册结婚），阿妈就话不如结埋婚，𠮶阵我谂我哋拍拖二年，沟通同相处都好好，咁就开始去组织。我有个好好嘅朋友喺𠮶边帮我预订一系列嘅嘢，租咗架飞机挂住『Will You Marry Me』，有埋我哋张相，但系我唔怕畀人知，大家以为好贵，但其实只系五位数字，搞生日都建议你玩吓！」万事俱备，期间却发生连串虾碌，令方力申滴汗再滴汗，他笑着忆述：「第一个笑话，飞机比原定迟咗四十五分钟先嚟，我一路喺海滩拖延时间，结果挨到飞机嚟，我就求婚啦，换衫嘅时候，证婚人嚟咗再多个惊喜，签埋纸，求婚加结婚一次过进行！」不过在求婚前夕，方力申笑称险被妈妈穿煲「Maple临时临急话唔去拉斯维加斯，我阿妈就打开口牌：『你去啦，佢（小方）可能会同你求婚！』跟住太太问我，我话冇可能，一定唔会！当离开拉斯维加斯，佢就觉得唔会，因为大家以为拉斯维加斯最容易结婚，但原来洛杉矶都得，佢以为冇咗呢件事，去到真系求婚𠮶一刻，佢都愕然，再结婚签纸就更加愕然！」
