Coffee林芊妤懷孕32周發生誤食生豬肉驚魂 憂有寄生蟲影響胎兒網上求建議
發佈時間：21:30 2025-09-16 HKT
林芊妤（Coffee）與老公翟志榮今年踏入結婚七年之癢，二人育有一子翟德彥（伯伯）已經6歲。下周日（21日）36歲生日的林芊妤，陀第一胎時曾因胎盤前置而入院，懷第二胎時卻不幸流產，現正懷孕的她，變得十分小心，多度檢查腹中胎兒的狀況。林芊妤沒料到近日發生驚險事件，以「孕婦誤食生豬肉」發文，在網上尋求意見。
Coffee林芊妤專心養胎
林芊妤已懷孕32周，正專心養胎的她，昨日（15日）在IG分享不少靚相，今早卻自爆昨晚不慎食用未熟豬肉，嚇到扣喉兼上網搵相關案例，點知越睇越心慌。林芊妤撰長文憶述事件經過：「尋晚如常喺屋企食飯，其實每餐煮乜一向都係姐姐話事，我哋畀好大自由度佢，所以我有時食之前都會影返張相，方便之後如果想食可以叫姐姐再煮。」
相關閱讀：前TVB女星被的士司機當面話「陪有錢佬上酒店」 自揭被老公鬧爆：我唔覺得你保護到個仔
林芊妤進食期間竟因「姐姐」未煮熟豬肉，而不慎吞落肚：「食之前我就同姐姐講我食唔到生嘅生菜，叫咗佢全部落水烚一烚再拎出嚟俾我哋食，跟住因為我好肚餓一啖食咗個豬肉釀豆卜，吞咗落肚嘅時候，突然老公講左一句『唔夠熟！』我望一望佢整開嘅豬肉仲係完全生嘅，然後老公再整開其他豬肉碎全部都係粉紅色。」
Coffee林芊妤安慰「姐姐」
林芊妤當時已想吐出豬肉，擔心未熟會有寄生蟲：「我即刻9秒9衝去廁所到扣喉，但無論我點扣都嘔唔到出嚟，最後都剩係嘔到好少好少嘅粉紅色生豬肉出嚟。老公見我嘔得咁辛苦都嘔唔到就叫我唔好再扣，我成晚都係好擔心因為我知豬肉有好多寄生蟲好污糟，但我又唔敢表現出嚟。」林芊妤見到「姐姐」好內疚又眼有淚光，還要安慰對方：「係咁同姐姐講我無事，只係叫佢下次煮完記得要check清楚先」。
相關閱讀：Coffee林芊妤懷二胎再出問題？腹中BB一狀況超過醫生建議 胎兒測DNA曾存早逝風險
之後林芊妤在網上搵資料，卻越睇越驚：「我係咁上網搵有關嘅案例點知越睇就越驚⋯尋晚仲發夢d寄生蟲整到BB有事。講真如果係平時嘅我真係唔會理，最多咪腸胃炎。不過依家32周嘅我真係好擔心，希望唔好影響到個BB。醫生叫我留意自己有無發燒或唔舒服，如果有就要入醫院檢查下，想請問有無人有類似經歷可以分享下？好擔心」。
Coffee林芊妤食嘢好懶
林芊妤分享未熟的「豬肉釀豆卜」照片表示：「好似大家都以為第二張相嗰舊就係我唔小心食到嘅豬肉釀豆卜⋯其實我係一啖食咗一整個生豬肉釀豆卜所以我先咁驚，第二張相係我老公整開佢嗰舊所見到嘅畫面。佢冇食到。」林芊妤指醫生有建議可以去驗血，又解釋：「成日食嘢都太急冇咬， 好懶咁成日（嚿）吞落肚，但我嘔出嚟嘅係生嘅」。不少網民分享自身經驗外，更有網民留言：「孕婦一律不建議Google」。
相關閱讀：Coffee林芊妤有流產風險 重做T21結果有問題 持續出現流出羊水：跌至地獄感覺
