Coffee林芊妤怀孕32周发生误食生猪肉惊魂 忧有寄生虫影响胎儿网上求建议
发布时间：21:30 2025-09-16 HKT
林芊妤（Coffee）与老公翟志荣今年踏入结婚七年之痒，二人育有一子翟德彦（伯伯）已经6岁。下周日（21日）36岁生日的林芊妤，陀第一胎时曾因胎盘前置而入院，怀第二胎时却不幸流产，现正怀孕的她，变得十分小心，多度检查腹中胎儿的状况。林芊妤没料到近日发生惊险事件，以「孕妇误食生猪肉」发文，在网上寻求意见。
Coffee林芊妤专心养胎
林芊妤已怀孕32周，正专心养胎的她，昨日（15日）在IG分享不少靓相，今早却自爆昨晚不慎食用未熟猪肉，吓到扣喉兼上网揾相关案例，点知越睇越心慌。林芊妤撰长文忆述事件经过：「寻晚如常喺屋企食饭，其实每餐煮乜一向都系姐姐话事，我哋畀好大自由度佢，所以我有时食之前都会影返张相，方便之后如果想食可以叫姐姐再煮。」
相关阅读：前TVB女星被的士司机当面话「陪有钱佬上酒店」 自揭被老公闹爆：我唔觉得你保护到个仔
林芊妤进食期间竟因「姐姐」未煮熟猪肉，而不慎吞落肚：「食之前我就同姐姐讲我食唔到生嘅生菜，叫咗佢全部落水烚一烚再拎出嚟俾我哋食，跟住因为我好肚饿一啖食咗个猪肉酿豆卜，吞咗落肚嘅时候，突然老公讲左一句『唔够熟！』我望一望佢整开嘅猪肉仲系完全生嘅，然后老公再整开其他猪肉碎全部都系粉红色。」
Coffee林芊妤安慰「姐姐」
林芊妤当时已想吐出猪肉，担心未熟会有寄生虫：「我即刻9秒9冲去厕所到扣喉，但无论我点扣都呕唔到出嚟，最后都剩系呕到好少好少嘅粉红色生猪肉出嚟。老公见我呕得咁辛苦都呕唔到就叫我唔好再扣，我成晚都系好担心因为我知猪肉有好多寄生虫好污糟，但我又唔敢表现出嚟。」林芊妤见到「姐姐」好内疚又眼有泪光，还要安慰对方：「系咁同姐姐讲我无事，只系叫佢下次煮完记得要check清楚先」。
相关阅读：Coffee林芊妤怀二胎再出问题？腹中BB一状况超过医生建议 胎儿测DNA曾存早逝风险
之后林芊妤在网上揾资料，却越睇越惊：「我系咁上网揾有关嘅案例点知越睇就越惊⋯寻晚仲发梦d寄生虫整到BB有事。讲真如果系平时嘅我真系唔会理，最多咪肠胃炎。不过依家32周嘅我真系好担心，希望唔好影响到个BB。医生叫我留意自己有无发烧或唔舒服，如果有就要入医院检查下，想请问有无人有类似经历可以分享下？好担心」。
Coffee林芊妤食嘢好懒
林芊妤分享未熟的「猪肉酿豆卜」照片表示：「好似大家都以为第二张相𠮶旧就系我唔小心食到嘅猪肉酿豆卜⋯其实我系一啖食咗一整个生猪肉酿豆卜所以我先咁惊，第二张相系我老公整开佢𠮶旧所见到嘅画面。佢冇食到。」林芊妤指医生有建议可以去验血，又解释：「成日食嘢都太急冇咬， 好懒咁成日（嚿）吞落肚，但我呕出嚟嘅系生嘅」。不少网民分享自身经验外，更有网民留言：「孕妇一律不建议Google」。
相关阅读：Coffee林芊妤有流产风险 重做T21结果有问题 持续出现流出羊水：跌至地狱感觉
