女神配對計劃｜關嘉敏慘成唯一單身女神 翹實細John加Matthew竟公開表白「第四者」：好愛你
發佈時間：14:00 2025-09-15 HKT
《女神配對計劃》昨晚（9月14日）播出大結局再次成為全城熱話！昨晚TVB播出《女神配對計劃》的最後一集，三位女神包括葉蒨文、羅毓儀及李芷晴均配對成功，唯獨是關嘉敏（Carman）配對失敗，與「未ready」的細John有緣無份。關嘉敏昨晚在節目播出後在IG發長文分享感言，更分享了與兩位求愛勇者細John及Mattew的合照。
關嘉敏爆喊稱與細John有緣無份
關嘉敏昨晚在《女神配對計劃》最後一集中，爆喊表示知道心儀的細John未ready，二人有緣無份，最終關嘉敏成為女神當中唯一配對失敗者。及後關嘉敏在社交平台發長文分享感言：「終於都播咗個大結局，好感恩，可以參與呢個戀綜，雖然最後配對唔成功，但係我認為呢個係最好嘅結局，拍攝嘅時間唔多 ，相處了解既時間亦都唔長，對我黎（嚟）講，如果未真正了解就一齊，個結局可能會仲差，所以，希望你地（哋）支持我既（嘅）選擇。」
相關閱讀：女神配對計劃丨姜卓文浪子終回頭？ 真情剖白攻陷關嘉敏爆喊 Carman對Matthew一個決定感後悔
關嘉敏感謝兩位求愛勇者
關嘉敏續說：「雖然結束，但係而家先係開始。鏡頭下嘅我哋，會相處成點呢？Hehehehehhehehe，我好感激我兩位求愛勇者選左（咗）我，我地（哋）三人組合唔知點解有啲夾同搞笑，成件事係錯錯哋，不過我最鍾意咁奇怪特別，變咗非一般同深刻嘅戀愛綜藝。」
關嘉敏除了感謝兩位求愛勇者之外，更公開對《女神配對計劃》中的「爸爸」林盛斌表「愛」意，她說：「多謝 @bob_lamshingbun 雖然你工作好忙，但都花時間去開解了解我哋每一個人，在背後支撐着我哋，成日笑我地（哋），但成日都爸爸上身，真係好愛你呢個爸爸，你咁好得唔得㗎？」
相關閱讀：女神配對計劃｜大結局3位女神配對成功 曾展望嘴對嘴錫葉蒨文 關嘉敏痛哭同男神有緣無份
而向來人緣極好的關嘉敏亦感謝台前幕後工作人員，她說：「多謝節目台前幕後每一位功臣，你哋真係超級癲，為咗我哋處理好多唔同嘅事，花咗好多心機時間力氣，先會有個咁好嘅節目出到嚟咁多人支持，最後，多謝你哋一路陪住我咁多個星期，有分析有長文有建議有笑有淚，所有嘢我都有睇，多謝支持《女神配對計劃》嘅大家，最後莫監製話，橫掂你配對唔成功，叫我參加下一季⋯⋯」
