郭奕芯晒比堅尼迫爆照 網民列證據斥隆胸 本尊爆粗激動反擊：仲以為你揸過
發佈時間：17:51 2025-09-14 HKT
現年29歲、擁有33C豐滿上圍的郭奕芯，近年主力於電視台做主持，早年出過多本性感寫真，被網民封為女神。近期郭奕芯於IG再派福利，上載多張於清遠市的三點式靚相，豐滿上圍幾乎奪衣而出，2天就收獲1.3萬Like。怎料這輯照片卻被部份網民聲討，指她現時的身材跟十年前判若兩人有隆胸之嫌，郭奕芯隨即勁嬲爆粗大反擊，更直指該等網民「以為自己揸過一樣」，十分大膽。
郭奕芯迫爆上圍惹非議
郭奕芯占這輯照片極度火辣，她於清遠入住高級酒店，她大解放穿上幼帶比堅尼擺出多個甫士影相，完全凸顯其極其有料的傲人身材，加上她白滑的肌膚，美得令人讚嘆。但有網民就指她的身材，比起其十年前電影處女作《同班同學》三點盡露時完全不同，認為她有隆胸的嫌疑。
相關閱讀：戀講嘢丨郭奕芯晒33C豐滿身材主持搶鏡！被嘲脹爆似師奶 曾出寫真全裸拍戲靠七仙羽入屋
郭奕芯被指「根本就冇乜波」
有網民指：「其實波大係咪一定冇腦？相信都係，10年前《同班同學》，佢已經除晒俾人睇！根本就冇乜波，而家仲攞出嚟獻世！以為人哋唔記得。」郭奕芯對於評擊十分火滾，不憎親自回覆：「本身呢啲留言睇完都算，但見到好似你啲咁自以為是嘅人，真係忍唔住笑，見你咁想搵存在感咪覆吓你」、「你唔信咪由得你，反正你又摸唔到，乜都唔知咪話假㗎囉」。
郭奕芯爆粗回應黑粉
她更將相關留言於限時動態貼堂，並爆粗表示：「乜都唔知就衝出嚟Ｘ嘅人，就係唔Ｘ唔舒服。我真奶假奶使唔使你教番轉頭呀，睇過一套戲以為自己摸過揸過一樣，呢呢啲人去羅湖城買名牌就啱㗎啦」。
郭奕芯親解二度發育之謎
之後郭奕芯續指，現時比10年前拍《同班同學》時「肥咗成倍」，所以上圍亦有升Cup：「成日講咩10年前套戲，唔知以為識好多、巴巴閉，當時我瘦到乜咁，都有C㗎啦，唔清楚自己重溫啦，依家肥咗成倍，對奶咪再大啲囉，我不嬲都係呢啲身型，唔知以為你揸過。再唔係走去問吓我以前啲男朋友囉，女仔朋友都得，我敢肯定唔會有任何一個話我係假囉」。
相關閱讀：盛品儒離世丨認高富帥異性緣旺 曾街頭攬啜郭奕芯 婚後有小三蔡一鳳合力拆彈
