68歲失婚前港姐自爆鍾意畀男人啜腳趾 驚人癖好嚇親女兒：你要佢啜邊隻 理想型係細25年影帝
發佈時間：18:51 2025-09-13 HKT
鍾慧冰早在14歲時移居美國，畢業於美國紐約大學經濟系，直到1979年回流返香港參加港姐，更奪得季軍，同屆冠軍為鄭文雅。鍾慧冰與前夫育有一女林靜莉，兩母女感情非常好，近日拍攝一條影片「母女版聽到理想型就跑」上載到社交網，68歲的鍾慧冰公開不為人知的「癖好」，嚇親女兒。
鍾慧冰魔性笑聲
29歲的林靜莉與媽媽在IG公開一條影片，鍾慧冰的魔性笑聲好強勁。鍾慧冰在影片開始，便將自己的喜好逐一公開，第一個點名38歲韓國男星「李敏鎬」，然後自己喪笑轉身奔跑。女兒林靜莉見狀一臉無奈笑道：「人哋做得你個仔囉喎」。
相關閱讀：吳家樂與鄧兆尊談張慧儀疑被擺上台 暗指鍾慧冰節目跣人：製造事端 姓馬女星被爆激嬲曾勵珍後離巢
林靜莉喜歡膚色偏黑
林靜莉之後表示自己喜歡「黑掹掹」，又問媽媽的睇法，鍾慧冰露出鄙視表情說：「梗係唔鍾意啦！黑古勒掘有乜好啫，我鍾意黑古勒掘我去非洲啦！」鍾慧冰之後又爆料：「識按摩，啜腳趾嘅」，林靜莉非常震驚問：「啜腳趾呀？我咁樣，如果我咁樣按摩OK，我唔使佢啜我腳趾喎，你要佢啜你邊隻腳趾？」鍾慧冰未有多解釋，只表示：「理想型，你唔好理，總之我鍾意啜腳趾OK！」
相關閱讀：鍾慧冰心口作痛惹健康隱憂被女兒發現 曾患怪病癱瘓瀕死幸撿回一命
提到「夏天出世」則關玄學事，鍾慧冰反應過來後即跑，並表示：「哎喲！哈哈哈我要（佢成日話夏天出世嘅旺佢）係呀！有火，我冰啊，太凍喇我要火。」鍾慧冰與林靜莉之後講到「會送個私人島」，林靜莉打趣笑言：「安全島都好呀，起碼唔係安全套」。鍾慧冰最後再點名42歲台灣男星「阮經天」，更開心到邊跑邊跳，令女兒林靜莉笑到攤落地問：「點解你要一路跑一路跳？」
鍾慧冰母女獲讚真性情
不少網民睇片後對鍾慧冰有新認知，笑問林靜莉：「媽咪好得意，啲笑聲好搞笑！」、「原來咁鍾意阮經天」。有網民又指鍾慧冰有品味：「伯母有品味」、「好搞笑呀，啜腳趾」，林靜莉反問：「你講緊啜腳趾方面？」、「我都希望我阿媽係搞笑」，另有網民讚：「真係超鍾意你兩母女...夠真性情」，林靜莉也有回覆：「有時希望呀媽唔好咁真」。
相關閱讀：苑瓊丹鍾慧冰驚人床上裸照曝光極震撼 苑仔曾疑患抑鬱真相嚇人：遇到唔乾淨嘅嘢
