知名親子KOL「AndyBaba」女兒推人被鬧畜生怒斥「苦主」：唔應該鬧我個女！ 惹全網狂轟：仲覺得自己冇問題

KOL兼保險員AndyBaba與太太育有兩名年幼女兒，不時分享家庭生活及養兒心得，吸引不少網民關注，在社交平台少有名氣。近日AndyBaba在Threads分享一件令他「嬲到喊」的經歷，事緣日前夫婦二人帶兩名女兒到兒童遊樂場玩樂，其女兒被指推另一位小朋友，被推小童的父母抱怨有兒童推撞他人，其後小童的爸爸更上前鬧AndyBaba的女兒是「畜生」。AndyBaba為此非常生氣，在Threads公開事件。

AndyBaba女兒疑推撞小童被罵畜生

AndyBaba表示，當日其妻子在遊樂場內，聽到一名母親低聲抱怨有兒童推撞其他兒童，並指責家長缺乏管教，他於帖文中分享：「我哋都冇咩嘢，我個女有時真係會咁做，我哋唔懷疑，如果當刻見到，我哋一定會道歉，不過真係見唔到。」AndyBaba帶女兒前往洗手間後回到原位，一名男子上前突然對其女兒指：「推小朋友又唔道歉，死畜生。」AndyBaba認為言論具侮辱性，要求對方請被推的小朋友上前，親口向對方道歉，「推小朋友係唔啱，但你絕對唔應該咁樣鬧我個女！」

相關閱讀：何超蓮見家姐何超鳳肅立手放背後！再加一恭敬舉動 網民重提何超儀談家教：果然是家人

AndyBaba女兒推撞他人被鬧畜生？

AndyBaba獲得道歉

AndyBaba續指，其後與對方一家四口及一名長輩溝通。小童的母親表示AndyBaba的女兒曾推撞其小孩，AndyBaba稱當下再次向被推的孩子道歉並關心其狀況。該母親解釋稱，男方父親因過於愛護孩子而情緒激動。然而，當AndyBaba指出對方父親曾使用「死畜生」等侮辱性詞語時，對方母親及長輩皆顯得愕然，並再次向AndyBaba道歉。AndyBaba指事件令他非常生氣而且久久未能平復，更氣得在女兒面前落淚。女兒主動關心他，AndyBaba向女兒說：「Daddy覺得冇好好保護你，要你俾人鬧。」

AndyBaba管教女兒方式掀熱議

此事件迅速在網絡上發酵，許多網民對該男子鬧小童是畜生的言行表示憤慨，批評他身為父母卻未能保持理性。同時，亦有不少網民批評AndyBaba沒有解決根本問題，事關整件事起因都是AndyBaba女兒推人而引起，重點應該是教好女兒：「講到尾都係你個女推人做錯在先，個男人鬧你個女係唔啱，但你教到個女周圍推人的確係冇家教」、「咁即係有冇教返自己個女推人係唔啱？」、「男人老狗，俾人鬧兩下就喺個女面前喊……」、「養不教父子過，個畜生應該係佢老竇」、「個女推人當無嘢，say句sorry當大晒，好家教」、「仲要打篇嘢公審返人哋家長，即係完全唔覺得自己個女推人有問題啦」，不少網民都呼籲家長在公共場所應加強對孩子的看管和教育，以避免類似事件的發生。

相關閱讀：鍾嘉欣自爆險做怪獸家長 重視培養孩子品德 分享最崩潰時刻：3位小朋友一齊叫我

「苦主」父親匿名發聲

被推小朋友的父親今日（9日）透過Threads匿名發聲，說出另一版本的事件經過。他稱事發當日其幼女需午睡，故由妻子與長女及婆婆先行前往遊樂場，他本人則抱著幼女在場外等候，並未目睹事件發生。當他稍後前往4樓遊樂場與妻子會合時，妻子情緒極度激動，憤怒地說了類似「沒家教」的話。妻子向他訴說，有小朋友在波波池出口處一手將其年僅一歲半、生性膽怯的長女推倒，「據太太所講，我大B當時係出口位已經讓佢囡囡行先，但就俾佢一手推跌。」而對方家長（事後確認為AndyBaba的妻子）卻看似毫無反應，他表示：「當下聽到我太太咁講已經好嬲，而一來我本身係比較火爆衝動嘅人，二來聽起嚟呢個爸爸完全唔會係講道理嘅人，如果同呢啲人講道理其實嘥氣。所以決定直接喺廁所門口等佢，用最極端嘅反擊方法鬧佢囡囡『小畜生』。」他坦言，此舉是出於保護女兒的本能，尤其擔心女兒在人多之處受欺負。

相關閱讀：鄧兆尊驚爆曾與賭王家族「何家淑女」相睇！  一個眼神確認彼此「心意」：賭王家教非常嚴 

匿名父親版本與AndyBaba說法有出入

對於事件最後如何結束，匿名父親的描述與AndyBaba的版本有所出入。他澄清，首先向AndyBaba道歉的並非其妻子和婆婆，而是他本人。他指，當時是他的妻子看到AndyBaba一家準備離開，因此情緒激動，甚至在電梯下到一半時衝回來指責AndyBaba，這才令AndyBaba道歉。匿名父親續稱，「最後我聽到andy道歉，知道佢並唔係完全唔講道理嘅，用『畜生』嘅字眼本身唔係好恰當，所以直接同andy講對唔住。最後雙方握手就走了。我喺呢度正式收返「小畜生」呢句說話，因為冇諗到對佢心靈有咁大咁大創傷。而你最重要係我唔應該係我自己 BB面前咁樣講嘢，因為小朋友會學。 」

相關閱讀：42歲前《愛‧回家》性感女星變怪獸家長  公共廁格內瘋狂做一事惹爭議  網民力數4宗罪

即睇何氏家族家教有多嚴？

匿名父親忽然強調自己職業

匿名父親描述完事件經過後，分享自己的感受，他指：「作為一個真正嘅金融業從業員(CFA charter holder)，我本身就睇唔起保險佬。但睇完Andy爸爸嘅post ，我真係睇唔起你，但係係因為你對你小朋友嘅教育。」他質疑AndyBaba合理化囡囡推人的行為，「我太太同你理論嘅時候，我太太話如果我個女咁樣推人，佢一定會捉住佢叫佢同小朋友道歉，而你竟然講話『大家教育方式唔同，如果我個女被人推跌，我唔會要求對方道歉』。呢個就係點解我哋唔需要你去叫你個女再過嚟道歉嘅原因，簡單來講同你講再多就係嘥氣。」

相關閱讀：前落選港姐4歲女兒一日直踩兩間幼稚園 專屬7人車往返元朗到九龍塘 車廂內貌曝光一安排震驚網民

批評AndyBaba矯揉造作

他更批評AndyBaba在面對面和平解釋事件後，卻在網上公開批評他的做法不妥，「矯揉造作：作為一個男人，我以為當時我道歉完，大家握咗手就完。點知俾我見到一篇咁煽情嘅文章（再附喊喊圖），而內容竟然冇提及我其實有道歉。搞到我都有啲想喊。」他批評AndyBaba沒有反省如何教育小朋友，「總結來講，我喺呢件事都吸取咗經驗，但我依然認為兩個囡囡係『冇家教』的。」

相關閱讀：36歲TVB女星被斥怪獸家長！3歲女返兩間幼稚園只能留車休息 網民：真係痴線

匿名父親後續言論引來網民批評

有網民指，本來匿名父親只描述事件經過已經足夠，但文中卻刻意提及他人的職業，與事件其實不相關，「又係嗰啲覺得自己做金融好高尚，講嘢可以大聲啲？話人細路係畜生，人格已經有問題，係男人就一早去X人老竇」、「其實你哋兩個男人都好煩！兩個都比情緒牽動到做啲onX行為。本身係一件好小嘅事，而家就搞到咁大，睇吓而家幾X」、「作為一個大人就麻煩光明正大行過去同個小朋友父母講，正正經經咁處理成件事，而唔係走去言語攻擊個小朋友」、「你其實唔洗講你CFA，CFA又點？」、「其實你條友把口都好X賤，左一句冇家教，另一句畜生，其實使乜去到咁極端啊」、「呢篇文都唔覺得幾有品，原來講得畜生嘅人真係有啲刻薄，用自己職業睇唔起人職業，拎尾彩，成篇文咁具攻擊性」。