Edan呂爵安爆阿正搬大屋想帶對方跟小如豬拍相親節目為《造星》落選者無出路解畫 : 呢行好睇時勢

影視圈

更新時間：16:15 2025-09-06 HKT
發佈時間：16:15 2025-09-06 HKT

呂爵安（Edan）與阿正（黃正宜）今日（6日）出席活動，阿正直言首次跟Edan以朋友檔出席活動賺真銀，以往大多擔任主持居多，又指跟對方五年前合作《膠戰》而認識，當年自己28歲，對方只有23歲，但現在Edan已經28歲。她說：「我睇住佢大，依家佢變得成熟咗，沉默寡言咗！」Edan則笑指阿正多年來不變，但賺到好多錢，又踢爆阿正最近買樓。阿正聞言即大反應，表示只是租樓，因為想搬近公司方便返工，同樣九龍區。問到新居幾大？她說：「既然咁講，講大啲！幾萬呎，養咗條海豚，叫Dolly。」當笑她擁有金錢、友情，但獨缺愛情，阿正笑言講中她的紅心。

阿正想同Jeremy傳緋聞

問到Edan可會介紹男生給阿正，他表示想介紹中學同學給阿正認識，不過阿正指Edan只講未有介紹過，但自己不介意相親。Edan即建議拍個節目帶住妹妹「小如豬」同阿正到各地相親，阿正笑言不介意，特別喜歡台灣及韓國男生，又指朴寶劍是她的老公。她說：「如果可以同Jeremy去下旅行拍個節目幾好，成日都話：『我哋係要傳緋聞啦！Jeremy』。當笑她寧願跟Jeremy傳緋聞，也不想跟Edan傳緋聞，是否Edan已有另一半？阿正笑說：「唔係呀！你咁樣Chok我唔到㗎！」