80年代《430穿梭機》主持公開移美生活嘆「似等...」 呻爆移民退休日子：你乜都唔使做坐埋一邊啦！
發佈時間：09:00 2025-09-05 HKT
80年代有份主持兒童節目《430穿梭機》的「白殭屍」龍炳基早年已轉行做廚師，移民美國多年，62歲的龍炳基已到退休年齡，他早前分享退休生活，透露現時在美國做「家庭主夫」，每日負責做家務、煮飯及接老婆下班。他在YouTube影片中表示：「講得好聽啲，就悠閒嘅生活啦，如果講得唔好聽，就好似等……嗰個字唔好講喇！」
龍炳基提點準備移民的退休人士
龍炳基與前護士太太育有一子一女，早於90年代已經移民美國生活，2005年一度做「太空人」回流工作，主持烹飪節目，不久便回美生活。近年他開設個人YouTube頻道，分享日常生活及昔日在圈中工作時的趣事。龍炳基在片頭分享煮飯片段，表示：「每日做嘅嘢就係煮飯，今日要搞嘅嘢就搞掂晒喇，就冇嘢做啦喎，示範畀你睇退休之後嘅生活就係咁……日日如是，煮飯，做完就等，等咩呢，就係等我太太喺公司打畀我『做晒嘢啦，可以走啦』，我就揸架車去佢公司樓下等佢，車佢返屋企，日日如是。咁如果大家係準備想移民，又係退咗休呢，我諗你哋都唔係幾鍾意呢一種……講得好聽啲，就悠閒嘅生活啦，如果講得唔好聽，就好似等……嗰個字唔好講喇！」
相關閱讀：王君馨誕女後突預言將世界末日：真係時間無多要末世喇！ 直斥AI是兇手：真係好可怕
龍炳基憂慮AI全面取代人類
另外，龍炳基分享早前看到一條影片，有餐廳嘗試用AI及機械人取代人手煮食，更指早前返港見到傳菜等工序都由機械人代勞，雖然可以節省到大部份人力、物力及財力，但卻令他有所憂慮。他說：「七十億人，其實好多工作都係好快可以畀AI機械人取代到，起碼都九成……建築業、餐飲業、旅遊業，甚至睇醫生都得，咁冇幾多工種剩啦喎！咁如果七十億人裡面，有九成人嘅工作畀機械人AI取代咗之後，呢六十三億人……唔係即刻死咗佢喎，佢哋仲係生存喺呢個地球上面，個結果會係咩呢？」他將情況比喻成他現時的生活，「即係好似我而家咁樣，退咗休，即刻乜嘢都唔使做，你坐埋一邊啦！個個月你收錢食就得喇，咁係咪就可以呢？移民去其他地方可能真係冇嘢做，餓你唔死，咁點算？呢個就係我嘅問題……我而家當係享受緊啦，當係嘆緊，其實我就係極之唔願意。唔知大家點睇喇！」
相關閱讀：《430穿梭機》元祖級主持被爆離巢內幕？ 傳轉行任護士多年 網民召方東昇尋人
